Belarýs Respýblikasymen áýe qatynasyn keńeitý boiynsha kelisimderge qol jetkizildi, dep habarlaidy "Ult aqparat" Indýstriia jáne infraqurylymdyq damý ministrliginiń baspasóz qyzmetine silteme jasap.
2 jeltoqsanda qazaqstandyq delegatsiia Belarýs Respýblikasynyń aviatsiia bilikterimen kelissóz júrgizdi.
«Memleket basshysynyń tapsyrmasymen engizilgen «ashyq aspan» rejimi aiasynda eki el arasyndaǵy ushý jiilikteriniń sany artty, sondai-aq eki eldiń taǵaiyndalǵan áýe kompaniialaryna ushý kezinde kodtardy birlesip paidalaný týraly kommertsiialyq kelisimder jasasý múmkindigi berildi» delingen habarlamada.
Qol jetkizilgen ýaǵdalastyq nátijesinde «Belavia» áýe kompaniiasy Minskiden Almatyǵa reisterdi aptasyna 5-ten 7 reiske deiin ulǵaitady, sondai-aq 2020 jyldyń jaz kezeńinen bastap Aqtaýǵa aptasyna 3 reis jiilikpen turaqty reis ashady.
