2020 jyly baǵa azyq-túlik taýarlaryna 11,3, azyq-túlik emes taýarlaryna 5,5, aqyly qyzmetterge 4,2 paiyzǵa joǵarylady. Mundai derekti QR Strategiialyq josparlaý jáne reformalar agenttiginiń Ulttyq statistika biýrosy usyndy, dep habarlaidy "Ult aqparat".
Vedomstvo málimetinshe, ótken jylda baǵanyń ósýi qumshekerge – 33,9, kúnbaǵys maiyna – 33,7, jarmalarǵa – 28,7, jumyrtqaǵa – 20, kartopqa – 16,8, unǵa – 16,3, jańa jinalǵan kókónisterge, qoi etine – 15,4, jańa jinalǵan jemisterge – 14,9, makaron ónimderine – 14,7, sary maiǵa – 13,6, jylqy etine – 11,9, máiekti irimshikke – 11,4, shaiǵa – 11,2, muzdatylǵan balyqqa – 10,1, siyr etine – 10, sútke – 9,7, shoshqa etine – 8, nanǵa 5,9 paiyz deńgeiinde belgilendi. Temeki ónimderi – 14,9, mineraldy jáne as sýy – 10,4, alkogoldi sýsyndar 7,8 paiyzǵa qymbattady. Baǵanyń tómendeýi taýyqtyń siraǵyna – 5,7, sókke – 2,6, kúrishke 1,7 paiyz tirkeldi.
Baǵa ósimi altynnan jasalǵan zergerlik buiymdarǵa – 13, jýǵysh jáne tazalaǵysh quraldarǵa – 10,2, dári-dármekke – 9,9, jeke qoldanylatyn taýarlarǵa – 9,4, turmystyq aspaptarǵa – 8, avtomobilderge – 7,3, noýtbýkterge – 6,7, jihaz jáne úige qajetti zattarǵa – 6,6, ydys-aiaqqa – 6,1, kiim jáne aiaq kiimge 4,8 paiyzdy qurady. Tas kómir – 3,5, benzin 2,5 paiyz qymbattap, dizel otyny 6,6 paiyzǵa arzandady.
Baǵa deńgeii quqyqtyq qyzmetterge, jeke kólik quraldaryn saqtandyrýǵa – 10, kinoteatrlar qyzmetterine – 8,1, shashtarazdar men sulýlyq salondar qyzmetterine – 7,2, qoǵamdyq tamaqtandyrý qyzmetterine – 6,9, densaýlyq saqtaý qyzmetterine – 6,3, monshaǵa – 5,7, jerleý qyzmetterine 5,6 paiyz ósti. Taksimen jol júrý aqysy – 6,8, jolaýshylardyń temirjol kóligimen 4,2 paiyz qymbattady, al áýe kóligimen 6,2 paiyzǵa arzandady.
Turǵyn úi-kommýnaldyq qyzmetter salasynda tarifter qoqys shyǵarýǵa – 20,5, elektr energiiasyna – 6,5, sýyq sýǵa – 1, ystyq sýǵa 0,7 paiyz ósti, al ortalyqtyn jylytýǵa – 2, kárizge 1,4 paiyz tómendedi.
