2019 jyldan bastap bilim berý granttary maýsym aiynda ótkiziletin UBT sertifikatynyń baldaryna sáikes konkýrstyq negizde beriletin bolady, dep habarlaidy "Ult aqparat" QR Bilim jáne ǵylym ministrliginiń saityna silteme jasap.
Bilim berý granttary bilim berý baǵdarlamalarynyń toptary boiynsha beiindik pánder kombinatsiiasyna sáikes bólinetin bolady.
Bilim berý baǵdarlamalarynyń tobyna joǵary oqý ornynyń bir nemese birneshe bilim berý baǵdarlamalary kiredi. Barlyǵy 97 bilim berý baǵdarlamalarynyń toby bar.
Beiindik pánder kombinatsiiasy sáikes kelgen jaǵdaida, Sizge bilim berý grantyn taǵaiyndaý konkýrsynda tórtke deiin bilim berý baǵdarlamalarynyń tobyn tańdaý múmkindigi beriledi.
Mysaly, «Biologiia» + «Himiia» beiindik pánder kombinatsiiasymen Siz:
1) «Himiia muǵalimderin daiarlaý»;
2) «Biologiialyq jáne sabaqtas ǵylymdar»;
3) «Veterinariia»;
4) «Jalpy meditsina» siiaqty bilim berý baǵdarlamalary toptaryn tańdai alasyz.
Eger Siz shyǵarmashylyq daiarlaýdy talap etetin bilim berý baǵdarlamasy tobyn tańdasańyz, bilim berý grantyn taǵaiyndaý konkýrsynda Sizge bir bilim berý baǵdarlamalarynyń tobyn tańdaý múmkindigi beriledi.
Mysaly, «Shyǵarmashylyq emtihan» + «Shyǵarmashylyq emtihan» kombinatsiiasymen Siz «Bastapqy áskeri daiyndyq muǵalimderin daiarlaý» siiaqty bir bilim berý baǵdarlamalarynyń tobyn tańdai alasyz.
Bilim berý baǵdarlamalary toptarynyń tizimi Ulttyq testileý ortalyǵynyń saitynda jariialanǵan (https://www.testcenter.kz/ru/entrants/ent/index.php).
Bilim berý baǵdarlamalary toptary bólinisindegi granttar sany bekitilgennen keiin joǵary oqý oryndary iske asyratyn bilim berý baǵdarlamalarynyń tizilimine silteme jasai otyryp, QR BǴM jáne Ulttyq testileý ortalyǵynyń saittarynda ornalastyrylatyn bolady.
Siz grant iegeri bola otyryp, joǵary oqý ornyna qabyldaý kezinde bilim berý baǵdarlamalarynyń tiisti tobynan naqty bilim berý baǵdarlamasyn tańdaisyz.
Mysaly, «Himiia muǵalimderin daiarlaý» bilim berý baǵdarlamalarynyń toby boiynsha grant iegeri bola otyryp, joǵary oqý ornyna qabyldaý kezinde Siz «Himiia» nemese «Himiia-Biologiia» boiynsha bilim berý baǵdarlamasyn tańdai alasyz.
