2019 jyly 3500-den astam áskeri qyzmetshige baspana beriledi.
Áskeri qyzmetshilerdi baspanamen qamtýdyń modeline sáikes, 2018 jyldyń qańtarynan bastap QR Qarýly Kúshteriniń áskeri qyzmetshileri Qazaqstannyń kez kelgen óńirinen ekinshi deńgeili bankterdiń túrli baǵdarlamalary arqyly ipoteka nesiesimen baspana satyp alý múmkindigin beretin zamanaýi júiege ótedi, dep habarlaidy "Ult aqparat" QR Qorǵanys ministrligine silteme jasap.
Qazaqstannyń qorǵanys vedomstvosy áskeri qyzmetshilerdiń áleýmettik máselelerden tolyqtai arylýyna jaǵdai jasap otyr. Baspanamen qamtýdyń jańa júiesi qolǵa alynǵan tusta, 2018 jyly 40 myńnan astam áskeri qyzmetshi derbes shot, depozit ashty. Sonyń 3000-nan astamy óz baspanasyna ie boldy.
2019 jyldyń alǵashqy jartysy tolmai-aq 2000-nan astam áskeri qyzmetshi ipoteka nesiesin aldy. Onyń jalpy somasy 30 milliard teńgeni qurady. «Áskeri baspana», «Baspana hit», «7-20-25», «Qazaqstandaǵy ipotekalyq nesielendirý», «Nurly jer», t.b. baǵdarlamalary arqyly baspanaly bolyp jatqan tulǵalar sany artyp keledi.
