2019 جىلى 3500-دەن استام ەسكەري قىزمەتشٸگە باسپانا بەرٸلەدٸ.
ەسكەري قىزمەتشٸلەردٸ باسپانامەن قامتۋدىڭ مودەلٸنە سەيكەس, 2018 جىلدىڭ قاڭتارىنان باستاپ قر قارۋلى كٷشتەرٸنٸڭ ەسكەري قىزمەتشٸلەرٸ قازاقستاننىڭ كەز كەلگەن ٶڭٸرٸنەن ەكٸنشٸ دەڭگەيلٸ بانكتەردٸڭ تٷرلٸ باعدارلامالارى ارقىلى يپوتەكا نەسيەسٸمەن باسپانا ساتىپ الۋ مٷمكٸندٸگٸن بەرەتٸن زاماناۋي جٷيەگە ٶتەدٸ, دەپ حابارلايدى "ۇلت اقپارات" قر قورعانىس مينيسترلٸگٸنە سٸلتەمە جاساپ.
قازاقستاننىڭ قورعانىس ۆەدومستۆوسى ەسكەري قىزمەتشٸلەردٸڭ ەلەۋمەتتٸك مەسەلەلەردەن تولىقتاي ارىلۋىنا جاعداي جاساپ وتىر. باسپانامەن قامتۋدىڭ جاڭا جٷيەسٸ قولعا الىنعان تۇستا, 2018 جىلى 40 مىڭنان استام ەسكەري قىزمەتشٸ دەربەس شوت, دەپوزيت اشتى. سونىڭ 3000-نان استامى ٶز باسپاناسىنا يە بولدى.
2019 جىلدىڭ العاشقى جارتىسى تولماي-اق 2000-نان استام ەسكەري قىزمەتشٸ يپوتەكا نەسيەسٸن الدى. ونىڭ جالپى سوماسى 30 ميلليارد تەڭگەنٸ قۇرادى. «ەسكەري باسپانا», «باسپانا حيت», «7-20-25», «قازاقستانداعى يپوتەكالىق نەسيەلەندٸرۋ», «نۇرلى جەر», ت.ب. باعدارلامالارى ارقىلى باسپانالى بولىپ جاتقان تۇلعالار سانى ارتىپ كەلەدٸ.
