Qazaqstandaǵy mektep oqýshylary «Qoǵam jáne din» atty jańa oqýlyqtarmen qamtylmaq. Bul týraly búgin Úkimette ótken baspasóz máslihatynda QR Din isteri jáne azamattyq qoǵam ministri Nurlan Ermekbaev málim etti, dep habarlaidy Ult.kz tilshisi QazAqparat agenttigine silteme jasap.
«Bilim jáne ǵylym ministrligimen birlese «Qoǵam jáne din» degen jumys ataýymen jańa oqýlyq boiynsha sharalar iske asyrylyp jatyr. Kitap mektep baǵdarlamasyna engiziletin bolady. Onda álemdik dinder men memlekettiń órkenietine qatysty bilim berýde ǵylymi kontent kúsheitilgen», - dedi Ermekbaev.
Osy oraida vedomstvo basshysy oqýlyq aldaǵy oqý jylynyń ekinshi jartysyna nemese 2018-2019 oqý jylyna ázirlenetinin atap ótti.
Sonymen qatar ol saittardy monitoringileýden bólek, kitaptardy saraptamadan ótkizý jumystary júrgizilip jatqanyn sóz etti.
«2017 jyly saraptamadan 1,5 myńnan astam osyndai nysan ótti, onyń ishinde qylmystyq-atqarý júiesindegi kitaphana qory da bar, iaǵni bas bostandyǵan aiyrý oryndaryndaǵy kitap qory taldaýmen qamtyldy. Aǵymdaǵy jyly bas bostandyǵynan aiyrý mekemelerinde destrýktivti mazmundaǵy 13 kitap anyqtaldy»,-dedi ministr.
