قازاقستانداعى مەكتەپ وقۋشىلارى «قوعام جەنە دٸن» اتتى جاڭا وقۋلىقتارمەن قامتىلماق. بۇل تۋرالى بٷگٸن ٷكٸمەتتە ٶتكەن باسپاسٶز مەسليحاتىندا قر دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ مەلٸم ەتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«بٸلٸم جەنە عىلىم مينيسترلٸگٸمەن بٸرلەسە «قوعام جەنە دٸن» دەگەن جۇمىس اتاۋىمەن جاڭا وقۋلىق بويىنشا شارالار ٸسكە اسىرىلىپ جاتىر. كٸتاپ مەكتەپ باعدارلاماسىنا ەنگٸزٸلەتٸن بولادى. وندا ەلەمدٸك دٸندەر مەن مەملەكەتتٸڭ ٶركەنيەتٸنە قاتىستى بٸلٸم بەرۋدە عىلىمي كونتەنت كٷشەيتٸلگەن», - دەدٸ ەرمەكباەۆ.
وسى ورايدا ۆەدومستۆو باسشىسى وقۋلىق الداعى وقۋ جىلىنىڭ ەكٸنشٸ جارتىسىنا نەمەسە 2018-2019 وقۋ جىلىنا ەزٸرلەنەتٸنٸن اتاپ ٶتتٸ.
سونىمەن قاتار ول سايتتاردى مونيتورينگٸلەۋدەن بٶلەك, كٸتاپتاردى ساراپتامادان ٶتكٸزۋ جۇمىستارى جٷرگٸزٸلٸپ جاتقانىن سٶز ەتتٸ.
«2017 جىلى ساراپتامادان 1,5 مىڭنان استام وسىنداي نىسان ٶتتٸ, ونىڭ ٸشٸندە قىلمىستىق-اتقارۋ جٷيەسٸندەگٸ كٸتاپحانا قورى دا بار, ياعني باس بوستاندىعان ايىرۋ ورىندارىنداعى كٸتاپ قورى تالداۋمەن قامتىلدى. اعىمداعى جىلى باس بوستاندىعىنان ايىرۋ مەكەمەلەرٸندە دەسترۋكتيۆتٸ مازمۇنداعى 13 كٸتاپ انىقتالدى»,-دەدٸ مينيستر.
