2018 jylǵy 1 qazannan keiin bereshegi bar kásipkerler de salyq raqymshylyǵyn paidalana alady, dep habarlaidy "Ult aqparat" QR Qarjy ministrligi Memlekettik kirister komitetiniń baspasóz qyzmetine silteme jasap.
«Salyq raqymshylyǵy qazirgi kezde 2018 jylǵy 1 qazannan keiingi kezeńde qosymsha salyq esebi 2018 jylǵy 1 qazanǵa deiingi salyq kezeńine berilgen salyq tóleýshilerge júrgiziledi. Salyq raqymshylyǵyna qatysýshylardyń tizimin keńeitýge orai ony 48 salyq tóleýshi qoldandy, olarda 228,8 mln teńge ósimpul somasy jáne 111,8 mln teńge aiyppul somasy esepten shyǵarylǵan. Negizgi qaryzdyń tólengen somasy 677 mln teńgeni quraidy», delingen habarlamada.
Memlekettik kirister komiteti elimizde jyldyń aiaǵyna deiin shaǵyn jáne orta kásipkerlik sýbektilerine arnalǵan salyq raqymshylyǵy júrgizilip jatqanyn eskertedi.
Shaǵyn jáne orta kásipkerlik sýbektilerine arnalǵan raqymshylyqqa orai 2018 jylǵy 1 qazandaǵy jaǵdai boiynsha salyq bereshegin tólegen jaǵdaida, ósimpul jáne aiyppul somalary esepten shyǵarylady. Osy týraly QR QM MKK Bereshektermen jumys baqarmasy basshysynyń orynbasary N.Nurtazina habarlady.
Onyń aitýynsha, búgingi kúnde 42 114 salyq tóleýshi bereshekti barlyǵy 8,0 mlrd teńge tólegen, olardyń 2,4 mlrd teńge ósimpuly men 190 mln teńge aiyppuly esepten shyǵarylǵan.
«Sonymen qatar, Qarjy ministriniń 2019 jylǵy 6 tamyzdaǵy № 829 buiryǵymen Qarjy ministriniń 2018 jylǵy 27 aqpandaǵy № 306 buiryǵymen bekitilgen Jeke shottardy júrgizý qaǵidalaryna qosymshalar engizilgenin atap ótemiz. Osyǵan sáikes salyq raqymshylyǵy sondai-aq salyq tekserý nátijesinde salyq jáne basqa da mindetti tólemder 2018 jylǵy 1 qazanǵa deiingi salyq merzimine eseptelgen, biraq tekserý nátijeleri týraly habarlama shaǵymdanýǵa nemese tekserý nátijeleri týraly habarlamany oryndaý merzimi kelmeýine sáikes 2018 jylǵy 1 qazandaǵy jaǵdai boiynsha bereshegi joq bolǵan salyq tóleýshilerge júrgiziledi», - dedi N.Nurtazina.
Budan basqa, jeke shottardy júrgizý qaǵidalaryna qosymshalar engizýge sáikes salyq raqymshylyǵy 2018 jylǵy 1 qazannan keiingi kezeńde 2018 jylǵy 1 qazanǵa deiingi salyqtyq kezeńine qosymsha salyq esebin tapsyrǵan salyq tóleýshilerge júrgiziledi.
Bul rette salyq esebi boiynsha aiyppul somasyn esepten shyǵarý tek ony 2019 jylǵy 1 shildege deiin tólemegen jaǵdaida júrgiziledi, onda ýaqytynda tólengen aiyppul somasy raqymshylyqqa jatpaidy.
Qostanai oblysynda jeke kásipker 2018 jylǵy 1 qazanǵa deiingi salyq merzimine qosymsha salyq esebin tapsyrǵan jáne salyq boiynsha negizgi qaryzy 757,1 mln teńge tólengen, osyǵan orai salyq tóleýshige barlyǵy 332 mln teńge bereshegi esepten shyǵarylǵanyn.
«Salyq raqymshylyǵy jyldyń aiaǵyna deiin uzartylǵanyna salyq tóleýshilerdiń nazaryn aýdaramyz, osyǵan orai, salyq tóleýshilerdi bar múmkinshilikti qoldanýǵa jáne memlekettiń aldynda negizgi qaryzdy óteýge shaqyramyz, bul eseptelgen ósimpul men aiyppuldan qutylýǵa múmkindik beredi.
Salyq tóleýshiler salyq boiynsha bereshegi bar/joqtyǵyn myna siltemeden bile alatynyn eskertemiz», delingen habarlamada.
