QR Bilim jáne ǵylym ministrligi 2018-2019 oqý jylyna arnalǵan bilim berý granttarynyń mamandyqtar boiynsha tizimin jariialady, dep habarlaidy "Ult aqparat".
«2018-2019 oqý jylyna kúndizgi oqý nysany boiynsha mamandyqtar bólinisinde joǵary bilimi bar mamandardy, magistrlerdi, PhD doktorlaryn daiarlaýǵa arnalǵan memlekettik bilim berý tapsyrystary bólindi. Qazaqstan Respýblikasy Bilim jáne ǵylym ministrliginiń internet-resýrsynda memlekettik bilim berý tapsyrysy boiynsha buiryq jariialanǵan. Ministrliktiń buiryǵyna qosa berilgen qosymshada memlekettik biýdjetten qarjylandyrylatyn JOO-larda joǵary bilimi bar mamandardy, magistrlerdi, PhD doktorlaryn daiarlaýǵa arnalǵan kvotalar kórsetilgen» delingen habarlamada.
Málimetke sai, 2018-2019 oqý jylyna joǵary bilimi bar mamandardy daiarlaýǵa 53 594 grant, magistrlerdi daiarlaýǵa 12 504 grant, PhD doktorlaryn daiarlaýǵa 2 240 grant bólingen. Memleket tarapynan tehnikalyq mamandyqtarǵa kóp grant bólingendigin atap ótken jón.
Memlekettik bilim berý tapsyrystary boiynsha tolyq aqparatty Qazaqstan Respýblikasy Bilim jáne ǵylym ministrliginiń resmi internet-resýrsynan alýǵa bolady.
