- QR Parlamenti Májilisiniń búgin ótken jalpy otyrysynda palata tóraǵasy Nurlan Nyǵmatýlin VI sailanym depýtattarynyń jumysyna baǵa berdi, dep habarlaidy Ult.kz tilshisi QazAqparat agenttigine silteme jasap.
Onyń sózine qaraǵanda, kele jatqan jańa jyl depýtattar úshin sailaýshylarmen kezdesýden bastalady. Ol úshin biýronyń sheshimi de qabyldandy.
«2017 jyldyń 4-13 qańtarynda sailaýshylarmen kezdesýler úshin bizde óńirlerge saparlar josparda bar. Osy rette tiisti keste pysyqtalyp, bekitildi. Bul óte mańyzdy saiasi shara bolyp tabylady, iaǵni onyń barysynda elimiz Táýelsizdiginiń 25 jyldyǵyna arnalǵan saltanatty jinalysta Memleket basshysy sóziniń negizgi mazmunyn halyqqa túsindirýimiz kerek. Onda Prezident óte úlken strategiialyq maqsattardy alǵa qoiǵan edi», - dedi Májilis tóraǵasy.
Onyń sózine qaraǵanda, qazirgi shaqyrylymdaǵy Májilistiń jumysy bastalǵaly 81 zań jobasy óndiriske qabyldandy. Onyń ishinde maquldanyp, Senatqa jiberligenderi 51-ge jetti. Sonymen birge 9 zań jobasyn depýttardyń ózderi ázirledi. Búginde Parlament qabyldanǵan zańdardyń 32-sine Memleket basshysy qol qoiyp, olar zańdy kúshine endi.
«Parlamenttiń barsha zań shyǵarýshylyq jumysy jańa formatta júrgizilýde. Májiliste zań jobalaryn qarastyrý BAQ-tyń, úkimettik emes uiymdardyń, qoǵamdyq-saiasi birlestikterdiń, Parlamentke enbei qalǵan partiialardyń qatysýymen ótýde», - dep toqtaldy Nyǵmatýlin.
Osy rette ol kásibi ári úilesimdi jumystary úshin palata depýtattaryna alǵysyn aitty.
Májilis tóraǵasy sóz sońynda jumys júktemesiniń artýyna qaramastan, depýtattar jumysynyń qarqyny jaqsy ekenin qadap aitty.
.jpeg)