Qazaqstanda 2017 jyldan bastap zeinetaqy men arnaýly járdemaqylardyń qansha bolatyny anyqtaldy, - dep habarlaidy Ult.kz tilshisi kaz.tengrinews.kz portalyna silteme jasap. Búgin Májiliste QR Densaýlyq saqtaý jáne áleýmettik damý ministrliginiń 2017-2019 jyldarǵa arnalǵan biýdjeti qarastyryldy.
Vedomstvo ókilderi biýdjetti josparlai otyryp, zeinetaqylar men arnaýly járdemaqylarǵa qansha qarajattyń bólinetinin aitty.
"2017 jyly zeinetaqy kólemi 9 paiyzǵa ósedi. Osy negizde bazalyq zeinetaqy kólemi 12 myń 802 teńgeni quraityn bolady. 2017 jyldyń 1 qańtarynan bastap áleýmettik járdemaqylardyń barlyq túri 7 paiyzǵa ósedi", - dedi QR Densaýlyq saqtaý jáne áleýmettik damý vitse-ministri Birjan Nurymbetov.
Sonymen qatar, vitse-ministr áleýmettik-eńbek salasy da jańartylatynyn aityp ótti.
"Kúnkóris deńgeiiniń eń tómengi kórsetkishin esepteý ádisin qaita qaraý qarastyrylyp jatyr, ol birinshi kezeńde kórsetkishti azyq-túliktik jáne azyq-túliktik emes turǵydaǵy ara salmaqty ózgertý arqyly kún kóris minimýmynyń qurylymyn ózgertýdi kózdeidi. Atalmysh ózgeristerdi júzege asyrý úshin áleýmettik tólemderge qosymsha qarajat bólý qarastyrylǵan. Bul bazalyq zeinetaqy, qamqorshysynan aiyrylýyna bailanysty járdemaqy tólemderi jáne basqalary ol 2018 jylǵa - 63 milliard teńge, 2019 jyly - 88 milliard teńge", - dedi Birjan Nurymbetov.
QR Densaýlyq saqtaý jáne áleýmettik damý vitse-ministri Birjan Nurymbetovtyń aitýynsha, Qazaqstanda 2018 jyldyń 1 shildesinen bastap bazalyq zeinetaqyny taǵaiyndaý tártibinde ózgerister bolady.
Aita keteiik, osyǵan deiin Tamara Dúisenova zeinetaqy júiesiniń jańa jobasymen tanystyrǵan bolatyn. "2043 jylǵa deiin zeinetkerlik jasqa keletin yntymaqty, sol siiaqty jinaqtaýshy zeinetaqy júiesine qatysý ótili tolyq emes azamattar - adamdardyń bul sanatyna bazalyq zeinetaqy 1998 jylǵy 1 qańtarǵa deiin jinaqtalǵan eńbek ótili jáne jinaqtaýshy zeinetaqy júiesine 1998 jyldan keiingi qatysý ótili eskerile otyryp esepteletin bolady. Zeinetkerlikke 2043 jyldan keiin shyǵatyn adamdar - bazalyq zeinetaqy jinaqtaryna bailanysty esepteletin bolady. Sondai-aq, 1998 jyly zeinetke shyqqan adamnyń zeinetaqysy 32 myń 182 teńgeni quraidy. Onyń 22 myń 732 teńgesi boryshtyq, 10 myń 450 teńgesi bazalyq bolyp sanalady. Bizdiń belgileý boiynsha, endi onyń 42 jyldyq eńbek ótili bolsa, onyń boryshty zeinetaqysyna 10 myń 450 teńge emes, 20 myń 900 teńge qosylatyn bolady", - dedi ol.
.jpeg)