2016 jylǵy 1 maýsymdaǵy QR Qarjy ministrliginiń málimet boiynsha 2016 jyly úkimettik emes uiymdardyń jobalaryn qarjylandyrý kólemi 23 paiyzǵa ósip, 9 280,4 mln teńgeni qurady (2015 jyly – 7 143,9 mln teńge).
Onyń ishinde respýblikalyq deńgeide 534,8 mln teńge (2015 jyly – 914,8 mln teńge), jergilikti deńgeide – 8 745,6 mln tenge (2015 jyly – 6 229,1 mln teńge).
Aita keteiik, memlekettik áleýmettik tapsyrys memlekettik organdar men úkimettik emes uiymdar arasyndaǵy yqpaldastyqtyń tiimdi mehanizmderiniń biri.
2016 jyly memlekettik áleýmettik tapsyrysty respýblikalyq deńgeide 9 ortalyq memlekettik organ jariialady. Atap aitqanda, olar – mádeniet jáne sport, bilim jáne ǵylym, ishki ister, densaýlyq saqtaý jáne áleýmettik damý, energetika, ulttyq ekonomika, investitsiialar jáne damý ministrlikteri, memlekettik qyzmet isteri agenttigi, bas prokýratýra.
Jergilikti deńgeide memlekettik áleýmettik tapsyrysty ishki saiasat, densaýlyq saqtaý, bilim, mádeniet, jumyspen qamtý jáne áleýmettik baǵdarlamalar, tabiǵi resýrstar jáne qorshaǵan ortany qorǵaý, tilderdi damytý, týrizm, sport jine dene tárbiesi basqarmalary júrgizedi.
Memlekettik áleýmettik tapsyrysty taldaý nátijesi 2016 jyly búkil respýblikada 1 913 áleýmettik joba josparlanǵanyn kórsetti, onyń ishinde respýblikalyq deńgeide 62 joba, jergilikti deńgeide – 1 851 joba. Halyqtyń az qamtylǵan tobyn áleýmettik qoldaý, jastar bastamalaryn damytý, salaýatty ómir saltyn nasihattaý, jergilikti ózin-ózi basqarýdy damytý, qoǵamdyq taldaý, qoǵamdyq kelisimdi nyǵaitý, azamattardyń quqyqtaryn qorǵaý salasyndaǵy ÚEU jobalarynyń ósý dinamikasy baiqalady.
"Ult aqparat"
.jpeg)