"Memlekettik bilim granty iegerleriniń tizimi jariialandy", - dep habarlaidy Ult.kz tilshisi.
Biyl jalpy 31 myń 702 grant bólinipti. Onyń 2950 orny joǵary oqý oryndarynyń daiyndyq bólimderine bilim alýǵa, 28 752 granttyń birinshi kýrsqa qabyldaýǵa bólingen (kúndizgi oqý - 28 452, syrttai oqý - 300 grant). Tehnikalyq jáne tehnologiialyq mamandyqtarǵa 12 593 grant bólingen, pedagogikalyq mamandyqtarǵa shamamen 5 myń grant bólingen, aýyl sharýashylyǵy jáne mal dárigerlik mamandyqtaryna shamamen 2 690 grant, meditsinalyq mamandyqtarǵa 3 myń grant bólingen.
Memlekettik grant iegerleriniń tizimimen tanysý úshin 100816granty.pdf (pdf faily) myna silteme boiynsha ótesiz. Ol yńǵaisyz bolsa, ózge de nusqasyn (ultkz.docx (Microsoft Word) usynyp otyrmyz.
Bilim granttaryn úlestirý konkýrsyna jalpy 59 677 adam qatysty. Olardyń 47 342-si qazaq tilinde bilim alatyndar, al 12 335-i orys tilinde bilim alatyndar. Stýdentterdi "Máńgilik el jastary - indýstriiaǵa!" jobasynyń aiasynda kvota boiynsha konkýrsqa 9 797 adam qatysty.
Konkýrsqa qatysýshylardyń ishinde 2208 túlek "Altyn belgi" iegeri, 303-i kolledj túlegi, al jalpy bilim berý pánderinen halyqaralyq jáne respýblikalyq olimpiadalardyń jeńimpazdarynyń sany - 169, jalpy bilim berý pánderi boiynsha halyqaralyq jáne respýblikalyq ǵylymi jarystardyń jeńimpazdarynyń sany - 854, respýblikalyq jáne halyqaralyq sport jarystarynyń jeńimpazdarynyń sany - 948, Prezident olimpiadalarynyń 9 jeńimpazy bar.
