"مەملەكەتتٸك بٸلٸم گرانتى يەگەرلەرٸنٸڭ تٸزٸمٸ جارييالاندى", - دەپ حابارلايدى ۇلت.كز تٸلشٸسٸ.
بيىل جالپى 31 مىڭ 702 گرانت بٶلٸنٸپتٸ. ونىڭ 2950 ورنى جوعارى وقۋ ورىندارىنىڭ دايىندىق بٶلٸمدەرٸنە بٸلٸم الۋعا, 28 752 گرانتتىڭ بٸرٸنشٸ كۋرسقا قابىلداۋعا بٶلٸنگەن (كٷندٸزگٸ وقۋ - 28 452, سىرتتاي وقۋ - 300 گرانت). تەحنيكالىق جەنە تەحنولوگييالىق ماماندىقتارعا 12 593 گرانت بٶلٸنگەن, پەداگوگيكالىق ماماندىقتارعا شامامەن 5 مىڭ گرانت بٶلٸنگەن, اۋىل شارۋاشىلىعى جەنە مال دەرٸگەرلٸك ماماندىقتارىنا شامامەن 2 690 گرانت, مەديتسينالىق ماماندىقتارعا 3 مىڭ گرانت بٶلٸنگەن.
مەملەكەتتٸك گرانت يەگەرلەرٸنٸڭ تٸزٸمٸمەن تانىسۋ ٷشٸن 100816granty.pdf (pdf فايلى) مىنا سٸلتەمە بويىنشا ٶتەسٸز. ول ىڭعايسىز بولسا, ٶزگە دە نۇسقاسىن (ultkz.docx (Microsoft Word) ۇسىنىپ وتىرمىز.
بٸلٸم گرانتتارىن ٷلەستٸرۋ كونكۋرسىنا جالپى 59 677 ادام قاتىستى. ولاردىڭ 47 342-سٸ قازاق تٸلٸندە بٸلٸم الاتىندار, ال 12 335-ٸ ورىس تٸلٸندە بٸلٸم الاتىندار. ستۋدەنتتەردٸ "مەڭگٸلٸك ەل جاستارى - يندۋستريياعا!" جوباسىنىڭ اياسىندا كۆوتا بويىنشا كونكۋرسقا 9 797 ادام قاتىستى.
كونكۋرسقا قاتىسۋشىلاردىڭ ٸشٸندە 2208 تٷلەك "التىن بەلگٸ" يەگەرٸ, 303-ٸ كوللەدج تٷلەگٸ, ال جالپى بٸلٸم بەرۋ پەندەرٸنەن حالىقارالىق جەنە رەسپۋبليكالىق وليمپيادالاردىڭ جەڭٸمپازدارىنىڭ سانى - 169, جالپى بٸلٸم بەرۋ پەندەرٸ بويىنشا حالىقارالىق جەنە رەسپۋبليكالىق عىلىمي جارىستاردىڭ جەڭٸمپازدارىنىڭ سانى - 854, رەسپۋبليكالىق جەنە حالىقارالىق سپورت جارىستارىنىڭ جەڭٸمپازدارىنىڭ سانى - 948, پرەزيدەنت وليمپيادالارىنىڭ 9 جەڭٸمپازى بار.
