Aqtóbede 2016 jyly maýsymda bolǵan qarýly shabýylǵa qatysty degen aiyppen ómir boiyna bas bostandyǵynan aiyrylǵan aqtóbelik Ashat Imanǵaliev Arqalyqtaǵy ÝK-161/12 túrmesinde óz-ózine qol salyp qaitys boldy. Bul aqparatty Azattyqqa Qylmystyq atqarý júiesi komiteti rastady.
- Qazir atalǵan derek boiynsha quzyrly organdar sotqa deiingi tergep-tekserý jumystaryn júrgizip jatyr. Tergeý qupiialyǵyna bailanysty basqa derekter jariia etilmeidi, - dedi Qylmystyq atqarý júiesi komiteti tóraǵasynyń mindetin atqarýshy Teńizjan Jánibekov.
Aty-jónin atamaýdy ótingen qala turǵyny Ashat Imanǵalievtiń máiiti 11 aqpan kúni Almatyǵa jetkizilip, qala syrtyndaǵy zirattardyń birine jerlengenin aitty.
33 jasta bolǵan Ashat Imanǵaliev sottalǵanǵa deiin Aqtóbedegi saýda ortalyqtarynyń birinde uialy telefon satqan. Tergeý materialdaryna qaraǵanda, Ashat Imanǵaliev 2016 jyly "Pallada" qarý-jaraq dúkeni men áskeri bólimge shabýyl jasaǵandary qatarynda bolǵan.
2016 jyly maýsymda Aqtóbede 26 adam eki qarý-jaraq dúkenine shabýyldap, ulttyq gvardiianyń áskeri bólimin basyp alýǵa tyrysqan. Shabýyl men atystan resmi málimet boiynsha, 7 adam qaza taýyp, 40 shaqty adam jaralanǵan. Alty kúnge sozylǵan arnaiy operatsiiada shabýylǵa kúdikti delingen 18 adamnyń kózi joiylyp, birneshe adam ustalǵan.
Aqtóbedegi qarýly shabýylǵa qatysqan 29 adamnyń jeteýi 2016 jyly 28 qarashadaǵy sot úkimimen ómir boiyna bas bostandyǵynan airylǵan. Tergeý olarǵa "terrorizm aktisine qatysty", "adam óltirdi", "qarýdy zańsyz iemdendi", "shabýyl jasady", "adam urlady" dep aiyp taqqan.
Sol kezde Qazaqstannyń Tuńǵysh Prezidenti Nursultan Nazarbaev Aqtóbede shabýyl jasaǵandardyń "radikaldyq dini top ókilderi" bolǵanyn jáne olardyń "shetelden nusqaý alǵanyn" málimdegen edi.
