اقتٶبەدە 2016 جىلى ماۋسىمدا بولعان قارۋلى شابۋىلعا قاتىستى دەگەن ايىپپەن ٶمٸر بويىنا باس بوستاندىعىنان ايىرىلعان اقتٶبەلٸك اسحات يمانعاليەۆ ارقالىقتاعى ۋك-161/12 تٷرمەسٸندە ٶز-ٶزٸنە قول سالىپ قايتىس بولدى. بۇل اقپاراتتى ازاتتىققا قىلمىستىق اتقارۋ جٷيەسٸ كوميتەتٸ راستادى.
- قازٸر اتالعان دەرەك بويىنشا قۇزىرلى ورگاندار سوتقا دەيٸنگٸ تەرگەپ-تەكسەرۋ جۇمىستارىن جٷرگٸزٸپ جاتىر. تەرگەۋ قۇپييالىعىنا بايلانىستى باسقا دەرەكتەر جارييا ەتٸلمەيدٸ, - دەدٸ قىلمىستىق اتقارۋ جٷيەسٸ كوميتەتٸ تٶراعاسىنىڭ مٸندەتٸن اتقارۋشى تەڭٸزجان جەنٸبەكوۆ.
اتى-جٶنٸن اتاماۋدى ٶتٸنگەن قالا تۇرعىنى اسحات يمانعاليەۆتٸڭ مەيٸتٸ 11 اقپان كٷنٸ الماتىعا جەتكٸزٸلٸپ, قالا سىرتىنداعى زيراتتاردىڭ بٸرٸنە جەرلەنگەنٸن ايتتى.
33 جاستا بولعان اسحات يمانعاليەۆ سوتتالعانعا دەيٸن اقتٶبەدەگٸ ساۋدا ورتالىقتارىنىڭ بٸرٸندە ۇيالى تەلەفون ساتقان. تەرگەۋ ماتەريالدارىنا قاراعاندا, اسحات يمانعاليەۆ 2016 جىلى "پاللادا" قارۋ-جاراق دٷكەنٸ مەن ەسكەري بٶلٸمگە شابۋىل جاساعاندارى قاتارىندا بولعان.
2016 جىلى ماۋسىمدا اقتٶبەدە 26 ادام ەكٸ قارۋ-جاراق دٷكەنٸنە شابۋىلداپ, ۇلتتىق گۆاردييانىڭ ەسكەري بٶلٸمٸن باسىپ الۋعا تىرىسقان. شابۋىل مەن اتىستان رەسمي مەلٸمەت بويىنشا, 7 ادام قازا تاۋىپ, 40 شاقتى ادام جارالانعان. التى كٷنگە سوزىلعان ارنايى وپەراتسييادا شابۋىلعا كٷدٸكتٸ دەلٸنگەن 18 ادامنىڭ كٶزٸ جويىلىپ, بٸرنەشە ادام ۇستالعان.
اقتٶبەدەگٸ قارۋلى شابۋىلعا قاتىسقان 29 ادامنىڭ جەتەۋٸ 2016 جىلى 28 قاراشاداعى سوت ٷكٸمٸمەن ٶمٸر بويىنا باس بوستاندىعىنان ايرىلعان. تەرگەۋ ولارعا "تەرروريزم اكتٸسٸنە قاتىستى", "ادام ٶلتٸردٸ", "قارۋدى زاڭسىز يەمدەندٸ", "شابۋىل جاسادى", "ادام ۇرلادى" دەپ ايىپ تاققان.
سول كەزدە قازاقستاننىڭ تۇڭعىش پرەزيدەنتٸ نۇرسۇلتان نازارباەۆ اقتٶبەدە شابۋىل جاساعانداردىڭ "راديكالدىق دٸني توپ ٶكٸلدەرٸ" بولعانىن جەنە ولاردىڭ "شەتەلدەن نۇسقاۋ العانىن" مەلٸمدەگەن ەدٸ.
