6 jeltoqsan kúni Astanada sapa salasyndaǵy jetistikteri úshin «Altyn sapa» Prezident syilyǵymen marapattaý saltanatty sharasy, «Qazaqstannyń úzdik taýary» respýblikalyq kórme-baiqaýynyń, «Paryz» biznestiń áleýmettik jaýapkershiligi boiynsha baiqaýdyń jeńimpazdaryn marapattaý jáne Indýstriialandyrý kúni aiasynda telekópir ótedi.
Biyl «Altyn sapa» Prezident syilyǵyna 100-den astam kásiporyn úmitker boldy. Bul syilyq dástúrli túrde úsh sanat boiynsha úsh atalymmen beriledi:
- «Óndiristik baǵyttaǵy eń úzdik kásiporyn»;
- «Halyqqa arnalǵan taýar shyǵaratyn eń úzdik kásiporyn»;
- «Qyzmet kórsetetin eń úzdik kásiporyn».
Jeńimpazdar «Sapa kóshbasshysy», «Eń úzdik indýstrialdyq joba», «Eń úzdik innovatsiialyq joba» negizgi atalymdary boiynsha jáne alǵash ret «Azyq-túlik nemese aýyl sharýashylyǵy taýarlaryn óndiretin eń úzdik kásiporyn» atalymy boiynsha anyqtalady.
«Altyn sapa» baiqaýynyń maqsattary kásiporyndar men uiymdardyń otandyq ónim sapasyn arttyrý boiynsha jumysyn belsendirý, Qazaqstan naryǵynda básekege qabiletti ónimniń artýyna yqpal etý, sonymen qatar halyq arasynda sapa ideiasyn nasihattaý bolyp tabylady.
«Altyn sapa» Qazaqstan Respýblikasy Prezidentiniń syilyǵyn alýǵa baiqaý zamanaýi menedjmenttiń damý baǵyttaryn eskeretin jáne Sapa boiynsha Eýropa syilyǵynyń úlgisine sáikes keletin úlgi boiynsha júrgiziledi. Sonymen qatar, qabyldanǵan kriteriiler ónimder men qyzmetter salasyndaǵy TMD syilyǵyna barabar.
Budan ózge, biznestiń áleýmettik jaýapkershiligi boiynsha «Paryz» respýblikalyq baiqaýynyń jeńimpazdaryn marapattaý rásimi ótedi.
Biyl biznestiń áleýmettik jaýapkershiligi boiynsha «Paryz» baiqaýyna qatysýǵa elimizdegi 501 kásiporynnyń basshylary ótinim berdi.
Baiqaýdyń aimaqtyq kezeńiniń qorytyndylary boiynsha eń kóp ótinim Almaty qalasynyń uiymdary men kásiporyndarynan kelip túsken – 68, al Pavlodar jáne Shyǵys Qazaqstan oblystarynyń árqaisysynan 53 úmitkerden tirkelgen.
Baiqaýǵa qatysýshylardyń jalpy sanynan eń kóp ótinim (263 kásiporyn) «Eń úzdik áleýmettik jaýapkershilikti kásiporyn» atalymy boiynsha berildi, onda óz personalyn qoldaýǵa, múmkindigi shekteýli jandardyń áleýmettik beiimdelýine jáne jalpy qoǵamnyń ál-aýqatynyń jaqsarýyna baǵyttalǵan áleýmettik baǵdarlamalardy júzege asyratyn úmitkerlerdiń jumysy baǵalandy.
89 kásiporyn «Eń úzdik ujymdyq kelisim» atalymyna qatysýǵa ótinim berdi, 78 konkýrsqa qatysýshy «Eńbek qaýipsizdigi salasyndaǵy eń úzdik kásiporyn» atalymynyń qatysýshysy boldy, taǵy 71 ótinim «Ekologiiaǵa úlesi úshin» atalymyna kelip tústi.
Eske salaiyq, biznestiń áleýmettik jaýapkershiligi boiynsha «Paryz» baiqaýy Memleket basshysynyń jarlyǵymen 2008 jyly taǵaiyndalǵan. Jalpy 8 jyl ishinde oǵan shaǵyn, orta jáne iri biznestegi 3 myńnan astam kásiporyn qatysqan.
«Qazaqstannyń úzdik taýary» respýblikalyq kórme-baiqaýynyń diplomanttary da ózderine laiyqty marapattaryn ielenedi.
Dástúrli túrde baiqaý jeńimpazdary úsh sanatta úsh atalym boiynsha anyqtalatyn bolady:
- «Óndiristik maqsattaǵy úzdik taýarlar»
- «Halyqqa arnalǵan úzdik taýarlar»
- «Eń úzdik óndiristik taýarlar».
Biyl respýblikalyq kórme-baiqaýyna aimaqtyq irikteýden ótken 145 jeńimpaz kompaniia qatysty.
9 diplomant óz atalymdary boiynsha «Qazaqstannyń úzdik taýary» respýblikalyq kórme-baiqaýynyń emblemasymen jáne I, II, III dárejeli diplomdarymen marapattalady. Olar baiqaý Emblemasyn jarnamalyq maqsatta 4 jyl boiy paidalaný quqyǵyna ie bolady.
Sonymen qatar «Atameken» Ulttyq kásipkerler palatasy Qazaqstan Respýblikasy Prezidentiniń «Altyn sapa» syilyǵyna jáne «Qazaqstannyń úzdik taýary» respýblikalyq kórme-baiqaýynyń syilyǵyna úmitker baiqaýǵa qatysýshylardyń ishinen óz isinde tabysqa qol jetkizgen kásiporyndarǵa «Isker» arnaiy syilyǵyn tabystaityn bolady.
Dál osy kúni alǵash ret «Uly dala eli» negizgi brendin paidalaný quqyǵyn berýdi uiǵarý úshin baiqaý jeńimpazdaryn marapattaý saltanaty ótedi.
Qazaqstan brendin halyqaralyq aýqymda ilgeriletip júrgen otandyq kompaniialar jaqyn jáne alys shetelderde keńinen nasihattaý maqsatynda negizgi brendti paidalaný quqyǵyn ielenetin bolady.
«Uly dala eli» negizgi brendi otandyq úzdik kompaniialarǵa – elimizdiń úzdik eksporterleri retinde iri, orta jáne shaǵyn biznes ókilderine jyl saiyn tabystalady. Osylaisha, «Uly dala eli» biryńǵai brendimen eń úzdik qazaqstandyq ónimder men qyzmetter biriktiriledi, al emblema elimizdiń «bet-beinesine» ainalyp, Qazaqstannyń halyqaralyq arenadaǵy imidji men tanymaldylyǵyn arttyrady jáne «Uly dala eliniń» ónimderiniń joǵary sapasyn pash etetin bolady.
Sonymen qatar dál osy kúni dástúrli túrde telekópir ótip, onyń aiasynda Indýstriialandyrý kartasynyń jobalarynyń tusaýy kesiledi.
Memleket basshysy telekópir rejiminde nysandardaǵy óndiristi iske qosyp, indýstriialandyrý aiasyndaǵy jobalar qurylysynyń bastalýyna belgi beredi.
Telekópir aiaqtalǵan soń QR Prezidenti Nursultan Nazarbaev «Paryz» baiqaýynyń jeńimpazyna Gran-pri jáne «Altyn sapa» baiqaýynyń aiasynda negizgi úsh atalym: «Sapa kóshbasshysy», «Eń úzdik indýstrialdyq joba», «Eń úzdik innovatsiialyq joba» boiynsha syilyqtar tabystaidy.
Sonymen qatar, Indýstriialandyrý kúni aiasynda Qazaqstan Táýelsizdiginiń 25 jyly ishindegi indýstrialdyq damý kezeńderin beineleitin fotosýretter kórmesi ótedi.
.jpeg)