2006 jylǵy úlgidegi nominaly 2, 5, 10 myń teńgelik banknottardy qabyldaý jáne aiyrbastaý 1 aqpanda aiaqtalady. Ulttyq banktiń Qolma-qol aqsha ainalysy departamentiniń direktory Jomart Qajymuratov osylai málim etti, dep habarlaidy "Ult aqparat".
Ulttyq bank 2006 jylǵy úlgidegi nominaly 2 000, 5 000, 10 000 teńgelik banknottardy qabyldaý jáne aiyrbastaý merzimi aiaqtalyp qalǵanyn eske salady. Jeke tulǵalar úshin banknottar tek Ulttyq banktiń filialdarynda aiyrbastalady.
«21 qańtardaǵy jaǵdai boiynsha banknottardy aýystyrýǵa eń kóp suranys bildirgender Almatyda (23,6%), Nur-Sultanda (9,2%) Shymkent qalasy men Túrkistan oblysynda (8,5%) tirkeldi. Bul rette aiyrbastaýǵa qabyldanǵan barlyq banknottyń 42,4%-y 10 000 teńgelik nominalǵa tiesili. Odan keiin nominaly 2 000 teńgelik (30,6%) jáne 5 000 teńgelik (27,0%) banknottar boldy», - deidi Jomart Qajymuratov.
Onyń aitýynsha, banknottardy qabyldaý merzimin uzartý týraly sheshim turǵyndardyń ótinishine bailanysty qabyldandy. Keibir azamattar, negizinen, zeinet jasyndaǵy adamdar, belgili bir sebepterge bailanysty eski banknottardy ýaqytynda aiyrbastap úlgermegen
«2021 jyldyń 1 aqpanynan bastap Ulttyq banktiń filialdary 2006 jylǵy úlgidegi nominaly 2 000, 5 000, 10 000 teńgelik banknottardy qabyldaýdy jáne aiyrbastaýdy toqtatady. Osyǵan bailanysty, 2021 jyldyń 1 aqpanyna deiin kórsetilgen banknottardy ulttyq valiýtanyń jaramdy aqshalaryna aiyrbastap alý úshin jaqyn jerdegi filialǵa habarlasýyn suraimyz», - deidi Jomart Qajymuratov.
