Foto: Videodan skrin
Shymkentte bloger kafe iesin qorqytyp, beinejazbalardy jariialamaý úshin 20 million teńge talap etken kúdikpen ustaldy, dep habarlaidy Ult.kz KTK telearnasyna silteme jasap.
Shymkentte kafe iesin qorqytyp, aqsha bopsalady degen kúdikpen bloger ustaldy. Ol bir kafege jii kelip, ishindegi kórgen-bilgeniniń bárin telefonyna túsirip júrgen.
Kásip iesine túrli "zańbuzýshylyqtardy" kórsetip, tekseris organdarynan qiyndyq týdyramyn dep qoqan-loqy jasaǵan. Alaida beinematerialdardy jariialamaý úshin óz "únsizdigin" 20 million teńgege baǵalaǵan. Aqsha berilgen sátte kúdikti arnaiy belgilengen kýpiýralarmen ustaldy.
Kafede zańbuzýshylyqtar bolǵan-bolmaǵany nemese blogerdiń bárin oidan shyǵarǵany ázirge naqtylanǵan joq. Shymkent politsiia departamenti resmi ókili Baǵlan Isataevanyń aitýynsha, qabyldanǵan sharalardyń kúdikti ustalyp, ýaqytsha ustaý izoliatoryna qamaldy. Atalǵan derek boiynsha qylmystyq is qozǵalyp, tergeý amaldary júrgizilip jatyr.
