Astanada 76 jastaǵy zeinetker alaiaqtardyń qurbany bola jazdady. Qaskóiler onyń shamamen 20 million teńge jinaǵyn qoldy etýdi josparlaǵan, alaida politsiia der kezinde áreket etip, qylmystyń aldyn aldy, dep habarlaidy ult.kz.
Astana politsiia departamentiniń málimetinshe, tártip saqshylary «Qazaqtelekom» AQ ókilderimen birlesip, zeinetkerge jasalǵan alaiaqtyq áreketti toqtatty.
Alaiaqtar qart turǵynǵa qońyraý shalyp, ózderin emhana qyzmetkerleri retinde tanystyrǵan. Olar meditsinalyq qabyldaýǵa jazylý úshin SMS arqyly kelgen rastaý kodyn aitýdy suraǵan. Keiin jábirlenýshige psihologiialyq qysym kórsetip, ony úiden shyǵýǵa jáne nusqaýlardy kútý úshin saiabaqqa barýǵa kóndirgen.
Politsiiaǵa aqparat túsken boida qyzmetkerler oqiǵa ornyna baryp, zeinetkerdiń ornalasqan jerin anyqtaǵan. Nátijesinde alaiaqtardyń jospary júzege aspai, áieldiń bank shottary men depozitterindegi barlyq jinaǵy saqtalyp qaldy.
Politsiia qyzmetkerleri zeinetkermen túsindirý jumystaryn júrgizip, qashyqtan jasalatyn alaiaqtyqtyń keń taralǵan tásilderi týraly eskertti.
Quqyq qorǵaý organdary azamattarǵa: memlekettik mekeme qyzmetkerleri, bank ókilderi nemese meditsina mamandary telefon arqyly SMS-kodtardy, bank kartasynyń derekterin, qupiiasózderdi jáne basqa da jeke aqparatty eshqashan suramaitynyn eske salady.
Kúmándi qońyraýlar kezinde asyqpai, aqparatty tek resmi bailanys arnalary arqyly tekserý qajet.
