استانادا 76 جاستاعى زەينەتكەر الاياقتاردىڭ قۇربانى بولا جازدادى. قاسكٶيلەر ونىڭ شامامەن 20 ميلليون تەڭگە جيناعىن قولدى ەتۋدٸ جوسپارلاعان, الايدا پوليتسييا دەر كەزٸندە ەرەكەت ەتٸپ, قىلمىستىڭ الدىن الدى, دەپ حابارلايدى ult.kz.
استانا پوليتسييا دەپارتامەنتٸنٸڭ مەلٸمەتٸنشە, تەرتٸپ ساقشىلارى «قازاقتەلەكوم» اق ٶكٸلدەرٸمەن بٸرلەسٸپ, زەينەتكەرگە جاسالعان الاياقتىق ەرەكەتتٸ توقتاتتى.
الاياقتار قارت تۇرعىنعا قوڭىراۋ شالىپ, ٶزدەرٸن ەمحانا قىزمەتكەرلەرٸ رەتٸندە تانىستىرعان. ولار مەديتسينالىق قابىلداۋعا جازىلۋ ٷشٸن SMS ارقىلى كەلگەن راستاۋ كودىن ايتۋدى سۇراعان. كەيٸن جەبٸرلەنۋشٸگە پسيحولوگييالىق قىسىم كٶرسەتٸپ, ونى ٷيدەن شىعۋعا جەنە نۇسقاۋلاردى كٷتۋ ٷشٸن ساياباققا بارۋعا كٶندٸرگەن.
پوليتسيياعا اقپارات تٷسكەن بويدا قىزمەتكەرلەر وقيعا ورنىنا بارىپ, زەينەتكەردٸڭ ورنالاسقان جەرٸن انىقتاعان. نەتيجەسٸندە الاياقتاردىڭ جوسپارى جٷزەگە اسپاي, ەيەلدٸڭ بانك شوتتارى مەن دەپوزيتتەرٸندەگٸ بارلىق جيناعى ساقتالىپ قالدى.
پوليتسييا قىزمەتكەرلەرٸ زەينەتكەرمەن تٷسٸندٸرۋ جۇمىستارىن جٷرگٸزٸپ, قاشىقتان جاسالاتىن الاياقتىقتىڭ كەڭ تارالعان تەسٸلدەرٸ تۋرالى ەسكەرتتٸ.
قۇقىق قورعاۋ ورگاندارى ازاماتتارعا: مەملەكەتتٸك مەكەمە قىزمەتكەرلەرٸ, بانك ٶكٸلدەرٸ نەمەسە مەديتسينا ماماندارى تەلەفون ارقىلى SMS-كودتاردى, بانك كارتاسىنىڭ دەرەكتەرٸن, قۇپيياسٶزدەردٸ جەنە باسقا دا جەكە اقپاراتتى ەشقاشان سۇرامايتىنىن ەسكە سالادى.
كٷمەندٸ قوڭىراۋلار كەزٸندە اسىقپاي, اقپاراتتى تەك رەسمي بايلانىس ارنالارى ارقىلى تەكسەرۋ قاجەت.
