2 jeltoqsanda Qazaqstanda koronavirýs juqqany arnaiy testpen rastalǵan 769 adam anyqtaldy, 642 adam jazyldy.
Densaýlyq saqtaý ministrliginiń aqparaty boiynsha, sársenbi kúni Shyǵys Qazaqstan oblysynda - 140, Pavlodar oblysynda - 99, Soltústik Qazaqstan oblysynda - 97, Aqmola oblysynda - 89, Qostanai oblysynda - 82, Almaty qalasynda - 72, Nur-Sultanda 41 adamnan koronavirýs infektsiiasy anyqtalǵan.
Naýryz aiynan beri koronavirýs juqqany testpen dáleldengender 133 887 adamǵa jetti: 118 myńnan astamy jazylǵan, 2049-y qaitys bolǵan.
Qazaqstannyń koronavirýs statistikasyna koronavirýs pnevmoniiasyna shaldyqqandar esebi engizilmegen. 1 tamyzdan beri 42 447 adamǵa koronavirýs pnevmoniiasy diagnozy qoiylǵan, 444 adam qaitys bolǵan, 30,6 myńnan astamy jazylǵan.
Ótken aptada densaýlyq saqtaý ministrligi ShQO, Qostanai, Pavlodar, SQO, Aqmola oblysynda statistika durys júrgizilmegenin anyqtaǵan edi.
Densaýlyq saqtaý ministrliginiń aqparatyna sensek, qazirgi ýaqytta koronavirýstyq infektsiiadan 13 827 adam em qabyldaýdy jalǵastyrýda.
«Olardyń arasynda 904 bala bar. Statsionarlarda 3 541 naýqas jatyr. 10 286 adam ambýlatoriialyq jaǵdaida emdelýde.
Jalpy naýqastardyń arasynda 218 adamnyń ahýaly nashar. Sonyń ishinde 35 naýqastyń ahýaly asa qatty aýyr dep baǵalanýda. 31 naýqas ókpeni jasandy jeldetý apparatynda jatyr», - delingen habarlamada.
