2 جەلتوقساندا قازاقستاندا كوروناۆيرۋس جۇققانى ارنايى تەستپەن راستالعان 769 ادام انىقتالدى, 642 ادام جازىلدى.
دەنساۋلىق ساقتاۋ مينيسترلٸگٸنٸڭ اقپاراتى بويىنشا, سەرسەنبٸ كٷنٸ شىعىس قازاقستان وبلىسىندا - 140, پاۆلودار وبلىسىندا - 99, سولتٷستٸك قازاقستان وبلىسىندا - 97, اقمولا وبلىسىندا - 89, قوستاناي وبلىسىندا - 82, الماتى قالاسىندا - 72, نۇر-سۇلتاندا 41 ادامنان كوروناۆيرۋس ينفەكتسيياسى انىقتالعان.
ناۋرىز ايىنان بەرٸ كوروناۆيرۋس جۇققانى تەستپەن دەلەلدەنگەندەر 133 887 ادامعا جەتتٸ: 118 مىڭنان استامى جازىلعان, 2049-ى قايتىس بولعان.
قازاقستاننىڭ كوروناۆيرۋس ستاتيستيكاسىنا كوروناۆيرۋس پنەۆمونيياسىنا شالدىققاندار ەسەبٸ ەنگٸزٸلمەگەن. 1 تامىزدان بەرٸ 42 447 ادامعا كوروناۆيرۋس پنەۆمونيياسى دياگنوزى قويىلعان, 444 ادام قايتىس بولعان, 30,6 مىڭنان استامى جازىلعان.
ٶتكەن اپتادا دەنساۋلىق ساقتاۋ مينيسترلٸگٸ شقو, قوستاناي, پاۆلودار, سقو, اقمولا وبلىسىندا ستاتيستيكا دۇرىس جٷرگٸزٸلمەگەنٸن انىقتاعان ەدٸ.
دەنساۋلىق ساقتاۋ مينيسترلٸگٸنٸڭ اقپاراتىنا سەنسەك, قازٸرگٸ ۋاقىتتا كوروناۆيرۋستىق ينفەكتسييادان 13 827 ادام ەم قابىلداۋدى جالعاستىرۋدا.
«ولاردىڭ اراسىندا 904 بالا بار. ستاتسيونارلاردا 3 541 ناۋقاس جاتىر. 10 286 ادام امبۋلاتورييالىق جاعدايدا ەمدەلۋدە.
جالپى ناۋقاستاردىڭ اراسىندا 218 ادامنىڭ احۋالى ناشار. سونىڭ ٸشٸندە 35 ناۋقاستىڭ احۋالى اسا قاتتى اۋىر دەپ باعالانۋدا. 31 ناۋقاس ٶكپەنٸ جاساندى جەلدەتۋ اپپاراتىندا جاتىر», - دەلٸنگەن حابارلامادا.
