Qazaqstanda áleýmettik osal sanattaǵy azamattarǵa 2 paiyzdyq jeńildetilgen ipoteka beriledi. Baǵdarlamaǵa turǵyn úige muqtaj retinde esepte turǵan azamattar qatysa alady, dep habarlaidy ult.kz.
Bul týraly OKQ-da ótken brifingte QR Ónerkásip jáne qurylys ministrliginiń Qurylys jáne turǵyn úi-kommýnaldyq sharýashylyq isteri komitetiniń tóraǵasy Baqytjan Júnisbekov málimdedi.
2 paiyzdyq ipotekaǵa jetim balalar, kópbalaly otbasylar, I jáne II toptaǵy múgedektigi bar azamattar, múgedektigi bar balalardy tárbielep otyrǵan otbasylar, soǵys ardagerleri jáne olarǵa teńestirilgen azamattar, sondai-aq jesirler ótinish bere alady.
Basty talaptyń biri – otbasynyń ár múshesine shaqqandaǵy tabys 254 255 teńgeden aspaýy tiis.
Biyl baǵdarlama aiasynda 12,6 myń qaryz berý josparlanǵan. Oǵan 175,1 mlrd teńge qarastyrylǵan. Jyldyń alǵashqy segiz aiynda 3 954 azamat 2 paiyzdyq ipoteka arqyly baspanaly bolǵan.
Al qalǵan sanattaǵy azamattarǵa tabys deńgeiine shekteý qoiylmaityn 5 paiyzdyq ipoteka usynylady. Biyl ony 2 252 adam paidalanǵan.
