Túrkistan oblysynyń Sozaq aýdanynda arheologtar sońǵy qola dáýiri men Qańly memleketi kezeńine jatatyn kóne qorymdardy zerttep, erekshe oljaǵa tap boldy. Mamandar shamamen 2 myń jyl buryn jerlengen áieldiń óliminiń sebebin anyqtaýǵa tyrysyp jatyr, dep habarlaidy ult.kz.
Otyrar arnasynyń málimetinshe, Qyzylkól-1 qorymyndaǵy jerleý ornynan er adam, áiel jáne eki balanyń súiegi tabylǵan. Áieldiń bas súieginiń samai tusynan dóńgelek tesik anyqtaldy. Aldyn ala boljam boiynsha, jaraqat ejelgi qarý — balta-shoqpardyń soqqysynan paida bolýy múmkin. Ǵalymdar onyń tiri kezinde jaraqat alǵanyn jáne bul ólimge sebep bolýy yqtimal ekenin aitady.
Qazir eki nusqa qarastyrylyp jatyr. Birinshisi — áiel jerleý rásimi kezinde óltirilgen. Ekinshisi — onyń shaiqasqa qatysyp, ólimge ákelgen jaraqat alǵany.
Ózbekáli Jánibekov atyndaǵy Ońtústik Qazaqstan pedagogikalyq ýniversitetiniń professory Aleksandr Podýshkin áieldiń jaýynger bolýy múmkin ekenin joqqa shyǵarmaidy. Sebebi Qańly quramynda sarmattar siiaqty taipalar bolǵan, al sarmattarda áielderdiń shaiqasqa qatysqany belgili.
Áieldiń naqty qalai qaza tapqanyn antropologtar súiekter men bas súiegindegi jaraqatty zerttegennen keiin anyqtaidy.
