2 ai buryn resmi túrde óli dep tanylǵan Aiǵali Sýpýǵaliev úiine oraldy. Osy oqiǵaǵa qatysty QR Ádilet ministrliginiń Sot saraptama ortalyǵy arnaiy komissiia qurdy, dep habarlaidy "Ult aqparat" atalǵan vedomstvanyń baspasóz qyzmetine silteme jasap.
Komissiia tiisti tekseris júrgizip, nátijesi boiynsha qosymsha aqparat beredi.
«Qazirgi ýaqytta Atyraý qalalyq prokýratýrasy QR QPK 183-baby 1-bólimine (BAQ-ta jariialanǵan aqparat, sotqa deiingi tergep-tekserýdiń bastalýyna sebep bola alady) silteme jasai otyryp, materialdy sotqa deiingi biryńǵai reestrge tirkedi. 4 qarashada SJQUB qyzmetkerleri sot-meditsinalyq sarapshysynyń qatysýymen máiittiń eksgýmatsiiasyn júrgizdi», - delingen ministrlik taratqan habarlamada.
Qolda bar aqparat boiynsha, naǵyz týystyǵynyń yqtimaldyq shamasy 99,92% nátijesin kórsetken genetikalyq tekseriske, Sýpýǵalievtiń jaqyn týystarynan silekeileri men qandarynyń úlgileri alynǵan. Aita ketý kerek, sarapshy esepteýdi qaitalamaǵan jáne tujyrym yqtimal nysanynda berilgen.
Esterińizge sala keteiik, Atyraý oblysy Tomarly aýylyndaǵy 2 ai buryn jerlengen Aiǵali Sýpýǵalievtiń úiine oralǵany týraly birqatar BAQ maqala jariialaǵan edi.
