2 اي بۇرىن رەسمي تٷردە ٶلٸ دەپ تانىلعان ايعالي سۋپۋعاليەۆ ٷيٸنە ورالدى. وسى وقيعاعا قاتىستى قر ەدٸلەت مينيسترلٸگٸنٸڭ سوت ساراپتاما ورتالىعى ارنايى كوميسسييا قۇردى, دەپ حابارلايدى "ۇلت اقپارات" اتالعان ۆەدومستۆانىڭ باسپاسٶز قىزمەتٸنە سٸلتەمە جاساپ.
كوميسسييا تيٸستٸ تەكسەرٸس جٷرگٸزٸپ, نەتيجەسٸ بويىنشا قوسىمشا اقپارات بەرەدٸ.
«قازٸرگٸ ۋاقىتتا اتىراۋ قالالىق پروكۋراتۋراسى قر قپك 183-بابى 1-بٶلٸمٸنە (باق-تا جارييالانعان اقپارات, سوتقا دەيٸنگٸ تەرگەپ-تەكسەرۋدٸڭ باستالۋىنا سەبەپ بولا الادى) سٸلتەمە جاساي وتىرىپ, ماتەريالدى سوتقا دەيٸنگٸ بٸرىڭعاي رەەسترگە تٸركەدٸ. 4 قاراشادا سجقۇب قىزمەتكەرلەرٸ سوت-مەديتسينالىق ساراپشىسىنىڭ قاتىسۋىمەن مەيٸتتٸڭ ەكسگۋماتسيياسىن جٷرگٸزدٸ», - دەلٸنگەن مينيسترلٸك تاراتقان حابارلامادا.
قولدا بار اقپارات بويىنشا, ناعىز تۋىستىعىنىڭ ىقتيمالدىق شاماسى 99,92% نەتيجەسٸن كٶرسەتكەن گەنەتيكالىق تەكسەرٸسكە, سۋپۋعاليەۆتٸڭ جاقىن تۋىستارىنان سٸلەكەيلەرٸ مەن قاندارىنىڭ ٷلگٸلەرٸ الىنعان. ايتا كەتۋ كەرەك, ساراپشى ەسەپتەۋدٸ قايتالاماعان جەنە تۇجىرىم ىقتيمال نىسانىندا بەرٸلگەن.
ەستەرٸڭٸزگە سالا كەتەيٸك, اتىراۋ وبلىسى تومارلى اۋىلىنداعى 2 اي بۇرىن جەرلەنگەن ايعالي سۋپۋعاليەۆتٸڭ ٷيٸنە ورالعانى تۋرالى بٸرقاتار باق ماقالا جارييالاعان ەدٸ.
