Foto: wing.com.ua
QMA Almaty oblysy boiynsha Departamenti Qazaqstan, TMD jáne alys shet el aýmaǵynda jumys istegen «1WIN» onlain-kazinosynyń zańsyz qyzmetine qatysty sotqa deiingi tergeý júrgizip jatyr, dep habarlaidy "Ult aqparat" Qarjylyq monitoring agenttigine silteme jasap.
Vedomstvo málimetinshe, onlain-platforma zańsyz oiyn biznesin uiymdastyrýmen qatar, myńdaǵan otandasymyzdy tartyp, tiisti litsenziiasyz býkmekerlik qyzmet kórsetken. Aqshalai qarajat internet-ekvairing arqyly aýtentifikatsiiasyz qabyldanǵan, bul tipti kámeletke tolmaǵandarǵa da qumar oiyndarǵa qatysýǵa múmkindik berdi.
2023 jyldyń ózinde-aq onlain-kazino ainalymy shamamen 4 mlrd teńgeni quraǵan.
«Tergeý jalǵasyp jatyr, onlain-kazino saity buǵattaldy, tórt uiymdastyrýshy halyqaralyq izdeýge jariialandy. Tárkilenýge jatatyn múlikke jáne jalpy somasy 1,5 mlrd teńge aqshalai qarajatqa tyiym salyndy, sondai-aq «Mercedes-Maybach S500» jáne «Lamborghini Huracan» avtokólikteri tárkilendi.
QR QPK-niń 201-babyna sáikes ózge de aqparat jariia etilýge jatpaidy.
Qarjylyq monitoring agenttigi Qazaqstan Respýblikasynyń zańnamasyna sáikes elde onlain-kazino qyzmetine tyiym salynǵanyn, al býkmekerlik qyzmetter tiisti litsenziia bolǵan jaǵdaida ǵana kórsetiletinin eskertedi», - delingen habarlamada.
