Foto: Polisia.kz
Almaty politseileri kontsert biletterin satýǵa qatysty alaiaqtyqty áshkereledi, – dep habarlaidy "Ult aqparat" Polisia.kz portalyna silteme jasap.
Alaiaqtyqty bilet satatyn kompaniianyń resmi ókiliniń atyn jamylyp, azamattardy aldaǵan 18 jastaǵy L. esimdi azamat júzege asyrǵan.
Onyń ústine ol onlain áreket etken, iaǵni biletterge tapsyrystardy Instagram arqyly qabyldaǵan. Al áleýmettik jelide aýqymdy jarnamalaý úshin qaskói SMM menedjer jaldaǵan.
"Qalalyq kriminaldyq politsiia basqarmasynyń málimetinshe, kúdikti ustaldy.
Qazirgi tańda aldanǵan azamattardyń aryzy negizinde Almaly aýdandyq politsiia basqarmasynda QR QK-niń 190-baby boiynsha qylmystyq is tirkeldi.
Olardyń keibirine jalǵan bilet satýshy 50 Cent-tiń kontsertine biletter “satqan”. Basqa yqtimal qurbandardy anyqtaýǵa baǵyttalǵan tergeý sharalary jalǵasyp jatyr", - delingen habarlamada.
