QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraiymy Aijan Esmaǵambetova 18 jasqa tolmaǵandarǵa koronavirýsqa qarsy vaktsina nege salynbaitynyn túsindirdi, dep habarlaidy "Ult aqparat".
«Búginde 18 jasqa deiingi balalarǵa vaktsina salynbaidy. Olarǵa vaktsina qarsy kórsetilim bolǵandyqtan salynbai otyrǵan joq. Sebebi halyqtyń dál osy toby úshin klinikalyq zertteýler jetkilikti deńgeide júrgizilmegen», - dedi ol Ortalyq kommýnikatsiialar qyzmetindegi brifing barysynda.
Sonymen qatar ol aldaǵy ýaqytta koronavirýsqa qarsy vaktsinanyń balalarǵa áserine qatysty klinikalyq zertteýler júrgiziletindigine úmit artatyndyǵyn aitty.
«Keleshekte zertteýler shyǵyp, balalar úshin de vaktsina tiimdi ári qaýipsiz ekendigi aitylýy múmkin. Mine, sol kezde olarǵa da vaktsina salý múmkindigin qarastyramyz. Al qazirgi ýaqytta 18 jastan asqan adamdar ǵana vaktsinatsiialaý tobyna jatady», - dedi Aijan Esmaǵambetova.
