قر دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا 18 جاسقا تولماعاندارعا كوروناۆيرۋسقا قارسى ۆاكتسينا نەگە سالىنبايتىنىن تٷسٸندٸردٸ, دەپ حابارلايدى "ۇلت اقپارات".
«بٷگٸندە 18 جاسقا دەيٸنگٸ بالالارعا ۆاكتسينا سالىنبايدى. ولارعا ۆاكتسينا قارسى كٶرسەتٸلٸم بولعاندىقتان سالىنباي وتىرعان جوق. سەبەبٸ حالىقتىڭ دەل وسى توبى ٷشٸن كلينيكالىق زەرتتەۋلەر جەتكٸلٸكتٸ دەڭگەيدە جٷرگٸزٸلمەگەن», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
سونىمەن قاتار ول الداعى ۋاقىتتا كوروناۆيرۋسقا قارسى ۆاكتسينانىڭ بالالارعا ەسەرٸنە قاتىستى كلينيكالىق زەرتتەۋلەر جٷرگٸزٸلەتٸندٸگٸنە ٷمٸت ارتاتىندىعىن ايتتى.
«كەلەشەكتە زەرتتەۋلەر شىعىپ, بالالار ٷشٸن دە ۆاكتسينا تيٸمدٸ ەرٸ قاۋٸپسٸز ەكەندٸگٸ ايتىلۋى مٷمكٸن. مٸنە, سول كەزدە ولارعا دا ۆاكتسينا سالۋ مٷمكٸندٸگٸن قاراستىرامىز. ال قازٸرگٸ ۋاقىتتا 18 جاستان اسقان ادامدار عانا ۆاكتسيناتسييالاۋ توبىنا جاتادى», - دەدٸ ايجان ەسماعامبەتوۆا.
