QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Qairat Qojamjarov shetelde jatqan aqshany qaitarýǵa qatysty pikir bildirdi, dep xabarlaidy "Ult aqparat".
Indýstriialandyrý kúnine arnalǵan jiynda QR Prezidenti Nursultan Nazarbaev shetelde jatqan aqshany qaitarýǵa tapsyrma bergen bolatyn. Qazirgi esepke sáikes, 18 otandyq kompaniia 12,5 mlrd dollardy shetelde ustap otyr. Búgin Astanada bastalǵan xalyqaralyq konferentsiiada Qairat Qojamjarov osy aqshany qaitarý máselesin kóterdi.
Agenttik basshysynyń aitýynsha, qazirgi zańnamada ulttyq kompaniialardyń aqshany shetelge shyǵarýyna qatysty naqty shekteý joq.
«Qazirgi jaǵdaida aqshany elge qaitarylǵany qajet. Prezident osy máselege basa nazar aýdardy. Qoldanystaǵy zańnamada naqty shekteý joq. Degenmen, ol jumysty jasaýǵa ábden bolady dep oilaimyn. Onymen Úkimet te, ulttyq kompaniia basshylary da ainalysady. Endi, bul - urlanǵan, ia bolmasa, qylmystyq jolmen kelgen aqsha emes. Ol - Qazaqstannyń óz aqshasy, resmi qarajaty. Ony elge qaitarý qajet. Osy jumysqa biz de atsalysatyn bolamyz», - dedi Qojamjarov jýrnalisterge bergen suxbatynda.
Aita keteiik, Prezident Nursultan Nazarbaev sheteldegi qarjyny qaitarýǵa qatysty arnaiy zańnamany ázirleýdi tapsyrdy. Memleket basshysynyń aitýynsha, búginde 18 otandyq kompaniia 12,5 mlrd dollardy shetelde ustap otyr. Atap aitqanda, «Teńiz Shevroil» kompaniiasy - 4,5 mlrd dollar, «QazMunaiGaz» ulttyq kompaniiasy - 3 mlrd dollar, «QazMunaiGaz barlaý men óndirý» kompaniiasy - 2 mlrd dollar, «Aziia gaz qubyry» JShS - 1 mlrd-tan astam, «Beineý-Shymkent» gaz qubyry» JShS - 100 mln dollar, budan bólek, «Shyǵys Tsement», «Jaiyq Munai», Kaspii qubyry konsortsiýmy jáne taǵy basqa kompaniialar shetelde qyrýar qarajatty ustap keledi.
«Nege olai isteisizder? Qazaqstannyń resýrstaryn satyp, aqsha tabasyzdar? Al tabysty shetelde ustaisyzdar. Nege ol aqsha osynda ainalyp, el ekonomikasyna jumys istemeidi? Jarty jyldyń ishinde memleketke qarasty kompaniialar sheteldegi qarjysyn 2 mlrd dollardan 6 mlrd-qa deiin ulǵaitty. Sizder neni kútip otyrsyzdar?! Men osyny túsinbeimin», - dep atap kórsetken Prezident ulttyq telekópir kezinde.
