Ulttyq ekonomika ministrligi Statistika komitetiniń esebi boiynsha, qazir qazaqstandyqtardyń naqty sany 17 mln 945 myń 300 adamdy quraidy, dep habarlaidy "Ult aqparat".
«2017 jyldyń 1 aqpanyndaǵy jaǵdaiǵa sáikes, Qazaqstan halqynyń sany - 17 mln 945 myń 300 adam. Onyń ishinde, 10 mln 305 myń 700 adam - qalada, 7 mln 639 myń 600 adam aýylda turady. Halyqtyń 48,4 paiyzy - er azamattar, 51,6 paiyzy - áiel azamattar», - dep habarlady ministrliktiń baspasóz hatshysy Samal Ibraeva.
Onyń aitýynsha, 2016 jyldyń 1 aqpanynan beri halyq sany 231 myń 500 adamǵa nemese 1,3 paiyzǵa ósken eken. Halyq sany azamattyq hal aktilerin tirkeý qujattarynda, sondai-aq, kóshi-qon politsiiasynyń málimetterine sai eseptelgen. Al, keibir álemdik saittardyń reitingterinde kóbine ortasha týý deńgeii esepke alynyp, ózderiniń algoritmderine sai daiyndalady, dep atap ótti baspasóz hatshysy.
«Qazaqstan halqynyń sanyn anyqtaityn esepteýish BUU-nyń málimetterine súiene otyryp, qazir elimizde 18 mln halyq turatynyn kórsetken. Biraq, resmi statistikaǵa júginsek, halyq sany áli 18 millionǵa jetken joq. Ázirshe, 1 aqpan boiynsha elimizdegi halyq sany 17 mln 945 myń shamasynda. Alla jazsa, 18 millionynshy qazaqstandyq sáýir aiynda dúniege keledi dep kútilýde», - dep habarlady ol.
.jpeg)