Aqtóbede qarjy piramidasyna qatysty tergeý aiaqtalyp, 56 kúdikti anyqtaldy, dep habarlaidy "Ult aqparat".
«Garant 24 Lombard», «Estate Lombard», «Vygodnyi zaim» basshylaryna qatysty tergeý aiaqtaldy. Qazirgi kezde kúdiktiler men jábirlenýshilerdi qylmystyq ispen tanystyrý protsesi júrip jatyr. Keiin is sotqa joldanady. Tergeý barysynda 17 myńnan astam jábirlenýshi anyqtaldy. Onyń 3 myńnan astamy aqtóbelik. Bul adamdar 30 milliard teńgeden astam qarjy salǵan. Tergeý barysynda 56 kúdikti anyqtaldy. Onyń altaýy halyqaralyq izdeýde júr. Qalǵan 50 adamnyń 33-i ýaqytsha ustaý izoliatorynda otyr. Beseýi úiqamaqta, qalǵan 12 kúdikti eshqaida ketpeý týraly qolhatpen jiberildi. Tergeý barysynda birneshe sot-meditsinalyq saraptama taǵaiyndaldy. Kúdiktilerdiń qylmystyq jolmen satyp alǵan múlki anyqtalyp, bárine tyiym salyndy», - dedi QR IIM Tergeý departamentiniń asa mańyzdy ister jónindegi aǵa tergeýshisi Janbolat Abdraemov.
Aita keteiik, uiymdastyrýshylardyń bári Aqtóbe oblysynyń turǵyndary bolyp shyqty. Qazir bári óńirdegi ýaqytsha tergeý izoliatorynda otyr. Sot otyrysy da Aqtóbe qalasynda bolady.
«Keiin basqa qalalardan filial ashyp, ózge adamdardy qylmysqa tartqan. Sol sebepten Qylmystyq kodekstiń «Uiymdasqan top, qylmystyq uiym qurý jáne olarǵa basshylyq etý, sol siiaqty olarǵa qatysý» baby boiynsha is qozǵalǵan. Tárkilengen múlik quny 2 milliard teńgeden asady. Bul baǵyttaǵy jumys jalǵasady», - dedi Janbolat Abdraemov.
