اقتٶبەدە قارجى پيراميداسىنا قاتىستى تەرگەۋ اياقتالىپ, 56 كٷدٸكتٸ انىقتالدى, دەپ حابارلايدى "ۇلت اقپارات".
«گارانت 24 لومبارد», «Estate لومبارد», «ۆىگودنىي زايم» باسشىلارىنا قاتىستى تەرگەۋ اياقتالدى. قازٸرگٸ كەزدە كٷدٸكتٸلەر مەن جەبٸرلەنۋشٸلەردٸ قىلمىستىق ٸسپەن تانىستىرۋ پروتسەسٸ جٷرٸپ جاتىر. كەيٸن ٸس سوتقا جولدانادى. تەرگەۋ بارىسىندا 17 مىڭنان استام جەبٸرلەنۋشٸ انىقتالدى. ونىڭ 3 مىڭنان استامى اقتٶبەلٸك. بۇل ادامدار 30 ميلليارد تەڭگەدەن استام قارجى سالعان. تەرگەۋ بارىسىندا 56 كٷدٸكتٸ انىقتالدى. ونىڭ التاۋى حالىقارالىق ٸزدەۋدە جٷر. قالعان 50 ادامنىڭ 33-ٸ ۋاقىتشا ۇستاۋ يزولياتورىندا وتىر. بەسەۋٸ ٷيقاماقتا, قالعان 12 كٷدٸكتٸ ەشقايدا كەتپەۋ تۋرالى قولحاتپەن جٸبەرٸلدٸ. تەرگەۋ بارىسىندا بٸرنەشە سوت-مەديتسينالىق ساراپتاما تاعايىندالدى. كٷدٸكتٸلەردٸڭ قىلمىستىق جولمەن ساتىپ العان مٷلكٸ انىقتالىپ, بەرٸنە تىيىم سالىندى», - دەدٸ قر ٸٸم تەرگەۋ دەپارتامەنتٸنٸڭ اسا ماڭىزدى ٸستەر جٶنٸندەگٸ اعا تەرگەۋشٸسٸ جانبولات ابدراەموۆ.
ايتا كەتەيٸك, ۇيىمداستىرۋشىلاردىڭ بەرٸ اقتٶبە وبلىسىنىڭ تۇرعىندارى بولىپ شىقتى. قازٸر بەرٸ ٶڭٸردەگٸ ۋاقىتشا تەرگەۋ يزولياتورىندا وتىر. سوت وتىرىسى دا اقتٶبە قالاسىندا بولادى.
«كەيٸن باسقا قالالاردان فيليال اشىپ, ٶزگە ادامداردى قىلمىسقا تارتقان. سول سەبەپتەن قىلمىستىق كودەكستٸڭ «ۇيىمداسقان توپ, قىلمىستىق ۇيىم قۇرۋ جەنە ولارعا باسشىلىق ەتۋ, سول سيياقتى ولارعا قاتىسۋ» بابى بويىنشا ٸس قوزعالعان. تەركٸلەنگەن مٷلٸك قۇنى 2 ميلليارد تەڭگەدەن اسادى. بۇل باعىتتاعى جۇمىس جالعاسادى», - دەدٸ جانبولات ابدراەموۆ.
