Foto: ashyq derekkóz
Qaiǵyly oqiǵa biyl 7 maýsymda Ordabasy aýdanyna qarasty Tórtkúl aýylynda tirkelgen. Sol kúni kámeletke tolmaǵan qyzdyń azaptalǵan máiiti tabylǵan. Kúdikti qylmys izin sýytpai ustalǵanyn sol kezde Túrkistan oblysynyń Politsiia departamenti habarlaǵan edi.
Tergeý barysynda marqum qyzdyń qylmysqa deiin otbasyna tiesili dúkende keshke deiin jumys istep, ony jaýyp, úiine qaityp bara jatqany anyqtalǵan. Sotta belgili bolǵandai, 6 maýsym kúni túngi saǵat 00:30 shamasynda aiyptalýshy qyzǵa shabýyl jasap, ony zorlap, keiin tunshyqtyryp óltirgen.
Is asa aýyr birneshe bap boiynsha tergeldi. Atap aitqanda, adam óltirý, zorlaý jáne jynystyq sipattaǵy kúsh qoldaný áreketteri boiynsha aiyp taǵylǵan. Túrkistan oblysynyń mamandandyrylǵan aýdanaralyq qylmystyq ister jónindegi sotynda protsess jabyq rejimde ótti.
Sot úkimimen aiyptalýshy – Ózbekstan azamaty, marqum jumys istegen dúken mańynda jaldamaly jumys istegen er adam – ómir boiyna bas bostandyǵynan aiyryldy. Sonymen qatar ol jábirlenýshiniń týystaryna moraldyq ziian úshin 50 million teńge ótemaqy tóleýge mindetteldi. Úkim ázirge zańdy kúshine engen joq.
