Foto: pexels
16 qazan kúni saǵat 03:00-den 17:00-ge deiin jerseriktik, tsifrlyq jáne analogtyq efir jelilerindegi tehnikalyq quraldarǵa josparly profilaktikalyq jumystar júrgiziledi, dep habarlaidy Ult.kz.
Osy ýaqyt aralyǵynda Qazaqstannyń barlyq aýmaǵynda teleradioarnalardyń retransliatsiiasy ýaqytsha toqtatylady.
"Qazteleradio" AQ úzdiksiz jáne sapaly teleradio habarlaryn taratý maqsatynda toqsan saiyn jerseriktik, tsifrlyq jáne analogtyq efir júielerindegi tehnikalyq qyzmet kórsetý úshin josparly profilaktikalyq jumystar júrgizedi.
Kompaniianyń baspasóz qyzmetiniń málimetinshe, bul jumystar sapaly habar taratý deńgeiin saqtaý úshin mańyzdy bolyp tabylady. Sonymen qatar, osy kezeńde tehnikalyq quraldardy jańartý jumystary da atqarylady.
