2 mln 198,7 myń qazaqstandyq 42 500 teńgelik birjolǵy tólemdi aldy. Onyń ishinde 1 mln 573,7 myń adam tamyz aiynda karantinniń uzartylýyna bailanysty 21 250 myń teńge mólsherinde qosymsha aqy berildi, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
6 tamyz saǵat 15.00-degi jaǵdai boiynsha shildede shekteý sharalaryn engizýge bailanysty tabysynan aiyrylǵan jaǵdaida Memlekettik áleýmettik saqtandyrý qorynan birjolǵy tólem taǵaiyndaýǵa azamattardan 2 mln 467 myń biregei ótinish qabyldandy, tólem mólsheri eń tómengi jalaqyǵa – 42 500 teńgege teń. Tólemdi 2 mln 198,7 myń qazaqstandyq aldy, onyń ishinde 1 mln 573,7 myń adam tamyz aiynda karantinniń uzartylýyna bailanysty 0,5 ETJ – 21 250 myń teńge mólsherinde qosymsha aqy aldy. Osy baǵyttaǵy jumys jalǵasyp jatyr.
2 mln 467 myń ótinimniń ishinde:
– 835,4 myń adam proaktivti formatta tólem taǵaiyndaýǵa kelisim bergen;
– 627,2 myń adam Egov.kz portaly jáne Telegram bot arqyly;
– 365 myń adam 42500.enbek.kz portaly arqyly;
– 639,4 myń adam ekinshi deńgeidegi bankterdiń mobildik qosymshalary men internet-resýrstary arqyly ótinish bergen.
Azamattardyń sanattary bólinisinde:
– 835,4 myń ótinish biryńǵai jiyntyq tólem tóleýshilerden kelgen (proaktivti formatta);
– 220,9 myń ótinishti jaldamaly qyzmetkerleri úshin jumys berýshiler bergen;
– 1 mln 410,7 myń ótinish azamattardyń basqa sanattarynan kelip tústi (jeke kásipkerler, jeke praktikamen ainalysatyn adamdar, azamattyq-quqyqtyq sipattaǵy sharttar boiynsha tabys alatyn jeke tulǵalar).
Tólem 2 mln 235,8 myń adamǵa taǵaiyndaldy. Aqshalai qarajat 2 mln 198,7 myń qazaqstandyqqa aýdaryldy.
Buǵan deiin habarlanǵandai, Qazaqstan aýmaǵynda karantinniń 2 aptaǵa sozylýyna bailanysty MÁSQ-tan birjolǵy tólem alýshylarǵa 0,5 ETJ – 21 250 teńge mólsherinde qosymsha aqy tólenedi.
2020 jyldyń shildesinde MÁSQ-tan birjolǵy tólem alǵan qazaqstandyqtarǵa karantinniń uzartylýyna bailanysty qosymsha aqy avtomatty túrde taǵaiyndalady. Qaita ótinish berýdiń qajeti joq.
Ótinish qabyldaý 2020 jyldyń 1 qyrkúiegine deiin jalǵasady.
