Búgin, 15 naýryz, elimizde Qaiyrymdylyq kúnin atap ótilýde.
Qaiyrymdylyq — adamnyń asyl qasietteriniń biri. Kisiniń ainalasyndaǵy adamdarǵa degen yqylasy men kómegin adamgershilik qarym-qatynastaryn bildiredi. Óz kezeginde Naýryz — adam boiyndaǵy osy asyl qasietterdi biriktiretin, izgilikke jol ashatyn meiramdardyń biri. 15 naýryzdy Qaiyrymdylyq kúni dep belgileý - Naýryz meiramynyń qadirin arttyra túskendei.
Elimizdiń túkpir-túkpirinde qaiyrymdylyq, meiirimdi nasihattaityn túrli is-shara ótedi. Astanada qarttar úii, balalar úii men kópbalaly otbasylarǵa arnaiy merekemen quttyqtaý is-sharasy ótkiziledi. Sondai-aq qala ákiminiń qatysýymen kópbalaly analar, áleýmettik turmysy tómen otbasylar men ziialy qaýym ókilderine aýyzashar beriledi.
Biyl Naýryz on kún boiy toilanady. Osy ýaqyt aralyǵynda respýblika boiynsha 400-ge jýyq is-shara uiymdastyrylady.
"Olardyń ishinde respýblikalyq mádeniet uiymdarymen 79 is-shara, al óńirlerdiń uiymdastyrýymen 276 is-shara ótedi. Ministrlik jáne Astana qalasy ákimdigimen birlesip uiymdastyrylatyn «Uly istiń – Uly tańy» atty basty merekemiz – 21 naýryz kúni Astana qalasynyń EKSPO aýmaǵynda ótedi. Atalǵan mereke aiasynda kiiz úiler qurylyp, túrli mádeni-sporttyq is-sharalar uiymdastyrylady. Qazirgi tańda merekeniń tujyrymdamasy bekitilip, daiyndyq júrgizilip jatyr", – dedi QR MAM Mádeniet komitetiniń tóraǵasy Sábit Barlybaev.
