بٷگٸن, 15 ناۋرىز, ەلٸمٸزدە قايىرىمدىلىق كٷنٸن اتاپ ٶتٸلۋدە.
قايىرىمدىلىق — ادامنىڭ اسىل قاسيەتتەرٸنٸڭ بٸرٸ. كٸسٸنٸڭ اينالاسىنداعى ادامدارعا دەگەن ىقىلاسى مەن كٶمەگٸن ادامگەرشٸلٸك قارىم-قاتىناستارىن بٸلدٸرەدٸ. ٶز كەزەگٸندە ناۋرىز — ادام بويىنداعى وسى اسىل قاسيەتتەردٸ بٸرٸكتٸرەتٸن, ٸزگٸلٸككە جول اشاتىن مەيرامداردىڭ بٸرٸ. 15 ناۋرىزدى قايىرىمدىلىق كٷنٸ دەپ بەلگٸلەۋ - ناۋرىز مەيرامىنىڭ قادٸرٸن ارتتىرا تٷسكەندەي.
ەلٸمٸزدٸڭ تٷكپٸر-تٷكپٸرٸندە قايىرىمدىلىق, مەيٸرٸمدٸ ناسيحاتتايتىن تٷرلٸ ٸس-شارا ٶتەدٸ. استانادا قارتتار ٷيٸ, بالالار ٷيٸ مەن كٶپبالالى وتباسىلارعا ارنايى مەرەكەمەن قۇتتىقتاۋ ٸس-شاراسى ٶتكٸزٸلەدٸ. سونداي-اق قالا ەكٸمٸنٸڭ قاتىسۋىمەن كٶپبالالى انالار, ەلەۋمەتتٸك تۇرمىسى تٶمەن وتباسىلار مەن زييالى قاۋىم ٶكٸلدەرٸنە اۋىزاشار بەرٸلەدٸ.
بيىل ناۋرىز ون كٷن بويى تويلانادى. وسى ۋاقىت ارالىعىندا رەسپۋبليكا بويىنشا 400-گە جۋىق ٸس-شارا ۇيىمداستىرىلادى.
"ولاردىڭ ٸشٸندە رەسپۋبليكالىق مەدەنيەت ۇيىمدارىمەن 79 ٸس-شارا, ال ٶڭٸرلەردٸڭ ۇيىمداستىرۋىمەن 276 ٸس-شارا ٶتەدٸ. مينيسترلٸك جەنە استانا قالاسى ەكٸمدٸگٸمەن بٸرلەسٸپ ۇيىمداستىرىلاتىن «ۇلى ٸستٸڭ – ۇلى تاڭى» اتتى باستى مەرەكەمٸز – 21 ناۋرىز كٷنٸ استانا قالاسىنىڭ ەكسپو اۋماعىندا ٶتەدٸ. اتالعان مەرەكە اياسىندا كيٸز ٷيلەر قۇرىلىپ, تٷرلٸ مەدەني-سپورتتىق ٸس-شارالار ۇيىمداستىرىلادى. قازٸرگٸ تاڭدا مەرەكەنٸڭ تۇجىرىمداماسى بەكٸتٸلٸپ, دايىندىق جٷرگٸزٸلٸپ جاتىر", – دەدٸ قر مام مەدەنيەت كوميتەتٸنٸڭ تٶراعاسى سەبيت بارلىباەۆ.
