Foto: gov.kz
2025 jyldyń 15 qarashasynan bastap Qazaqstanda turǵyn úige muqtaj azamattardy esepke qoiý erejeleri jańartylady. Tiisti ózgerister Indýstriia jáne qurylys ministriniń jańa buiryǵymen bekitildi.
Biylǵy 24 mamyrdan bastap elimizdiń kez kelgen azamaty sońǵy bes jyl ishinde óz menshiginde baspanasy bolmasa, turǵyn úi kezegine tura alatyn edi. Alaida qarashanyń ortasynan bastap bul talaptar qatańdai túspek.
Jańa ereje boiynsha azamattardy turǵyn úige muqtaj retinde esepke alý myna jaǵdailarda júrgizilmeidi:
sońǵy bes jylda óz atyna nemese otbasy músheleriniń atyna turǵyn úi tirkelgen bolsa;
memlekettik nemese vedomstvolyq turǵyn úi qorynan páter alǵan bolsa;
memlekettik turǵyn úi qorynan berilgen ne jergilikti atqarýshy organ jalǵa alǵan turǵynjaiy bar bolsa;
usynylǵan qujattarda jalǵan nemese dáieksiz aqparat anyqtalsa;
buryn memlekettik turǵyn úi qorynan páter alyp, ony jekeshelendirgen bolsa;
jeńildetilgen ipotekalyq nemese memlekettik turǵyn úi baǵdarlamalary arqyly páter satyp alǵan bolsa.
Iaǵni, jańa talap boiynsha jekeshelendirilgen baspanasy barlar jáne memlekettik ipotekalyq baǵdarlamalarǵa qatysqandar turǵyn úi kezegine qaita tura almaidy.
Bul ózgerister 2025 jyldyń 15 qarashasynan bastap resmi túrde kúshine enedi.
