فوتو: gov.kz
2025 جىلدىڭ 15 قاراشاسىنان باستاپ قازاقستاندا تۇرعىن ٷيگە مۇقتاج ازاماتتاردى ەسەپكە قويۋ ەرەجەلەرٸ جاڭارتىلادى. تيٸستٸ ٶزگەرٸستەر يندۋسترييا جەنە قۇرىلىس مينيسترٸنٸڭ جاڭا بۇيرىعىمەن بەكٸتٸلدٸ.
بيىلعى 24 مامىردان باستاپ ەلٸمٸزدٸڭ كەز كەلگەن ازاماتى سوڭعى بەس جىل ٸشٸندە ٶز مەنشٸگٸندە باسپاناسى بولماسا, تۇرعىن ٷي كەزەگٸنە تۇرا الاتىن ەدٸ. الايدا قاراشانىڭ ورتاسىنان باستاپ بۇل تالاپتار قاتاڭداي تٷسپەك.
جاڭا ەرەجە بويىنشا ازاماتتاردى تۇرعىن ٷيگە مۇقتاج رەتٸندە ەسەپكە الۋ مىنا جاعدايلاردا جٷرگٸزٸلمەيدٸ:
سوڭعى بەس جىلدا ٶز اتىنا نەمەسە وتباسى مٷشەلەرٸنٸڭ اتىنا تۇرعىن ٷي تٸركەلگەن بولسا;
مەملەكەتتٸك نەمەسە ۆەدومستۆولىق تۇرعىن ٷي قورىنان پەتەر العان بولسا;
مەملەكەتتٸك تۇرعىن ٷي قورىنان بەرٸلگەن نە جەرگٸلٸكتٸ اتقارۋشى ورگان جالعا العان تۇرعىنجايى بار بولسا;
ۇسىنىلعان قۇجاتتاردا جالعان نەمەسە دەيەكسٸز اقپارات انىقتالسا;
بۇرىن مەملەكەتتٸك تۇرعىن ٷي قورىنان پەتەر الىپ, ونى جەكەشەلەندٸرگەن بولسا;
جەڭٸلدەتٸلگەن يپوتەكالىق نەمەسە مەملەكەتتٸك تۇرعىن ٷي باعدارلامالارى ارقىلى پەتەر ساتىپ العان بولسا.
ياعني, جاڭا تالاپ بويىنشا جەكەشەلەندٸرٸلگەن باسپاناسى بارلار جەنە مەملەكەتتٸك يپوتەكالىق باعدارلامالارعا قاتىسقاندار تۇرعىن ٷي كەزەگٸنە قايتا تۇرا المايدى.
بۇل ٶزگەرٸستەر 2025 جىلدىڭ 15 قاراشاسىنان باستاپ رەسمي تٷردە كٷشٸنە ەنەدٸ.
