Reseidiń Kabardin-Balkariia Respýblikasynda 44 jastaǵy áiel 16 jyl buryn enesin óltirdi degen kúdikpen qamaýǵa alyndy, dep habarlaidy ult.kz.
Bul týraly KBR Tergeý komiteti habarlady. Oqiǵa 2012 jyldyń maýsymynda Hatýei aýylyndaǵy jeke úide bolǵan. Sol kezde 75 jastaǵy áieldiń máiiti tabylǵan. Úiden marqumǵa tiesili 157 myń rýbl joǵalǵan.
Ol kezde qylmyskerdi anyqtaý múmkin bolmai, is boiynsha tergeý ýaqytsha toqtatylǵan. Alaida tergeýshiler jumysty jalǵastyra bergen.
Keiin kriminalister is materialdaryn qaita qarap, marqumnyń kelini men sol kezde nebári 8 jasta bolǵan nemeresiniń bergen jaýabyna erekshe nazar aýdarǵan.
Tergeý barysynda qazir kámeletke tolǵan nemeresi jańa málimet aitqan. Onyń sózinshe, 2012 jyly anasy odan jalǵan jaýap berýdi suraǵan. Atap aitqanda, ol anasynyń kisi óltirilgen túni enesiniń jatyn bólmesine kirgenin kórmegenin aitýy kerek bolǵan.
Qaita júrgizilgen jaýap alý kezinde áiel qylmysyn moiyndaǵan. Onyń aitýynsha, enesin arazdyq saldarynan tunshyqtyryp óltirgen. Keiin jertóbege jasyrylǵan aqshany alyp ketken.
Kúdikti ustalyp, qamaýǵa alyndy. Tergeý amaldary jalǵasyp jatyr.
