رەسەيدٸڭ كاباردين-بالكارييا رەسپۋبليكاسىندا 44 جاستاعى ەيەل 16 جىل بۇرىن ەنەسٸن ٶلتٸردٸ دەگەن كٷدٸكپەن قاماۋعا الىندى, دەپ حابارلايدى ult.kz.
بۇل تۋرالى كبر تەرگەۋ كوميتەتٸ حابارلادى. وقيعا 2012 جىلدىڭ ماۋسىمىندا حاتۋەي اۋىلىنداعى جەكە ٷيدە بولعان. سول كەزدە 75 جاستاعى ەيەلدٸڭ مەيٸتٸ تابىلعان. ٷيدەن مارقۇمعا تيەسٸلٸ 157 مىڭ رۋبل جوعالعان.
ول كەزدە قىلمىسكەردٸ انىقتاۋ مٷمكٸن بولماي, ٸس بويىنشا تەرگەۋ ۋاقىتشا توقتاتىلعان. الايدا تەرگەۋشٸلەر جۇمىستى جالعاستىرا بەرگەن.
كەيٸن كريميناليستەر ٸس ماتەريالدارىن قايتا قاراپ, مارقۇمنىڭ كەلٸنٸ مەن سول كەزدە نەبەرٸ 8 جاستا بولعان نەمەرەسٸنٸڭ بەرگەن جاۋابىنا ەرەكشە نازار اۋدارعان.
تەرگەۋ بارىسىندا قازٸر كەمەلەتكە تولعان نەمەرەسٸ جاڭا مەلٸمەت ايتقان. ونىڭ سٶزٸنشە, 2012 جىلى اناسى ودان جالعان جاۋاپ بەرۋدٸ سۇراعان. اتاپ ايتقاندا, ول اناسىنىڭ كٸسٸ ٶلتٸرٸلگەن تٷنٸ ەنەسٸنٸڭ جاتىن بٶلمەسٸنە كٸرگەنٸن كٶرمەگەنٸن ايتۋى كەرەك بولعان.
قايتا جٷرگٸزٸلگەن جاۋاپ الۋ كەزٸندە ەيەل قىلمىسىن مويىنداعان. ونىڭ ايتۋىنشا, ەنەسٸن ارازدىق سالدارىنان تۇنشىقتىرىپ ٶلتٸرگەن. كەيٸن جەرتٶبەگە جاسىرىلعان اقشانى الىپ كەتكەن.
كٷدٸكتٸ ۇستالىپ, قاماۋعا الىندى. تەرگەۋ امالدارى جالعاسىپ جاتىر.
