Kórneki sýret: pexels.com
16 jasqa tolmaǵan adammen jynystyq qatynasqa tústi degen qazaqstandyq Reseiden ekstraditsiialandy. Bul týraly "Ult aqparat" QR Bas prokýratýrasyna silteme jasap habarlaidy.
"Qazaqstan Respýblikasynyń Bas prokýratýrasy on alty jasqa tolmaǵan adammen jynystyq qatynasqa túskeni úshin Qazaqstan azamatyn qylmystyq jaýapkershilikke tartý úshin Resei Federatsiiasynan ekstraditsiialady", - delingen habarda.
2023 jylǵy qyrkúiekte ol Shymkent qalasynyń jaldamaly páterleriniń birinde 14 jastaǵy adammen jynystyq qatynasqa túsken.
Qylmys jasalǵannan keiin qaskúnem jasyrynyp, halyqaralyq izdeý jariialandy.
Osy jylǵy sáýirde ol Resei Federatsiiasynyń Novosibirsk qalasynda ustaldy.
Qazaqstan Bas prokýratýrasynyń suraý salýy boiynsha Resei tarapy kúdiktini otanyna ekstraditsiialaý týraly sheshim qabyldady.
Qazirgi ýaqytta sottalýshy tergeý izoliatoryna qamaldy.
Atalǵan qylmys úshin belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyra otyryp, bes jylǵa deiingi merzimge bas bostandyǵynan aiyrý túrindegi jaza qarastyrylǵan.
