كٶرنەكٸ سۋرەت: pexels.com
16 جاسقا تولماعان اداممەن جىنىستىق قاتىناسقا تٷستٸ دەگەن قازاقستاندىق رەسەيدەن ەكستراديتسييالاندى. بۇل تۋرالى "ۇلت اقپارات" قر باس پروكۋراتۋراسىنا سٸلتەمە جاساپ حابارلايدى.
"قازاقستان رەسپۋبليكاسىنىڭ باس پروكۋراتۋراسى ون التى جاسقا تولماعان اداممەن جىنىستىق قاتىناسقا تٷسكەنٸ ٷشٸن قازاقستان ازاماتىن قىلمىستىق جاۋاپكەرشٸلٸككە تارتۋ ٷشٸن رەسەي فەدەراتسيياسىنان ەكستراديتسييالادى", - دەلٸنگەن حاباردا.
2023 جىلعى قىركٷيەكتە ول شىمكەنت قالاسىنىڭ جالدامالى پەتەرلەرٸنٸڭ بٸرٸندە 14 جاستاعى اداممەن جىنىستىق قاتىناسقا تٷسكەن.
قىلمىس جاسالعاننان كەيٸن قاسكٷنەم جاسىرىنىپ, حالىقارالىق ٸزدەۋ جارييالاندى.
وسى جىلعى سەۋٸردە ول رەسەي فەدەراتسيياسىنىڭ نوۆوسيبيرسك قالاسىندا ۇستالدى.
قازاقستان باس پروكۋراتۋراسىنىڭ سۇراۋ سالۋى بويىنشا رەسەي تاراپى كٷدٸكتٸنٸ وتانىنا ەكستراديتسييالاۋ تۋرالى شەشٸم قابىلدادى.
قازٸرگٸ ۋاقىتتا سوتتالۋشى تەرگەۋ يزولياتورىنا قامالدى.
اتالعان قىلمىس ٷشٸن بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ٶمٸر بويىنا ايىرا وتىرىپ, بەس جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازا قاراستىرىلعان.
