Almaty qalalyq taýarlar men qyzmetterdiń sapasy men qaýipsizdigin baqylaý departamenti basshysy Aizat Moldaqasymova onlain brifing barysynda koronavirýs infektsiiasyna qatysty epidemiologiialyq ahýal týraly aqparat taratty, dep habarlaidy QazAqparat.
Departament basshysy Germaniiadan kelgen tranzittik reiste koronavirýs juqpasy tabylǵan adammen birge kelgendikten 14 kún karantinde jatqan bolatyn.
Keiin Almaty qoǵamdyq keńesi Aizat Moldaqasymova der kezinde oqshaýlanbai, jumys babymen kóp adammen aralasyp, adamdardyń densaýlyǵyn qaterge tikti degen aiyp taqqan edi.
Brifing barysynda jýrnalister osy saýaldy qoidy.
«Men ózime qatysty aiyptaýlardy negizsiz dep sanaimyn. Men 14 kún karantinnen shyqtym. Osy ýaqyt aralyǵynda 2 ret test tapsyrdym. Nátijesi mende virýs joqtyǵyn kórsetti. Birinshiden, men Germaniiada bolǵan joqpyn. Men tek 1,5 saǵat tranzittik zonada boldym. 10 naýryzda Germaniia 2-shi sanatqa jatatyn. Sol sebepti Germaniiadan kelgen adamdar tek telefon arqyly baqylaýda bolatyn. 13 naýryzda nege birden oqshaýlanbady degen suraq boldy. Men ózim túski 15.00-de infektsiia juqtyrǵan jolaýshymen birge kelgenimdi bildim. Estigen ýaqytta birden statsionarǵa oqshaýlanyp, test tapsyrdym. Barlyǵy infektsiia joqtyǵyn kórsetti. 14 naýryzda meni emdeýshi dárigerim úige shyǵardy. Qazir densaýlyǵym jaqsy»,- dedi Aizat Moldaqasymova.
