الماتى قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسى ايزات مولداقاسىموۆا ونلاين بريفينگ بارىسىندا كوروناۆيرۋس ينفەكتسيياسىنا قاتىستى ەپيدەميولوگييالىق احۋال تۋرالى اقپارات تاراتتى, دەپ حابارلايدى قازاقپارات.
دەپارتامەنت باسشىسى گەرمانييادان كەلگەن ترانزيتتٸك رەيستە كوروناۆيرۋس جۇقپاسى تابىلعان اداممەن بٸرگە كەلگەندٸكتەن 14 كٷن كارانتيندە جاتقان بولاتىن.
كەيٸن الماتى قوعامدىق كەڭەسٸ ايزات مولداقاسىموۆا دەر كەزٸندە وقشاۋلانباي, جۇمىس بابىمەن كٶپ اداممەن ارالاسىپ, ادامداردىڭ دەنساۋلىعىن قاتەرگە تٸكتٸ دەگەن ايىپ تاققان ەدٸ.
بريفينگ بارىسىندا جۋرناليستەر وسى ساۋالدى قويدى.
«مەن ٶزٸمە قاتىستى ايىپتاۋلاردى نەگٸزسٸز دەپ سانايمىن. مەن 14 كٷن كارانتيننەن شىقتىم. وسى ۋاقىت ارالىعىندا 2 رەت تەست تاپسىردىم. نەتيجەسٸ مەندە ۆيرۋس جوقتىعىن كٶرسەتتٸ. بٸرٸنشٸدەن, مەن گەرمانييادا بولعان جوقپىن. مەن تەك 1,5 ساعات ترانزيتتٸك زونادا بولدىم. 10 ناۋرىزدا گەرمانييا 2-شٸ ساناتقا جاتاتىن. سول سەبەپتٸ گەرمانييادان كەلگەن ادامدار تەك تەلەفون ارقىلى باقىلاۋدا بولاتىن. 13 ناۋرىزدا نەگە بٸردەن وقشاۋلانبادى دەگەن سۇراق بولدى. مەن ٶزٸم تٷسكٸ 15.00-دە ينفەكتسييا جۇقتىرعان جولاۋشىمەن بٸرگە كەلگەنٸمدٸ بٸلدٸم. ەستٸگەن ۋاقىتتا بٸردەن ستاتسيونارعا وقشاۋلانىپ, تەست تاپسىردىم. بارلىعى ينفەكتسييا جوقتىعىن كٶرسەتتٸ. 14 ناۋرىزدا مەنٸ ەمدەۋشٸ دەرٸگەرٸم ٷيگە شىعاردى. قازٸر دەنساۋلىعىم جاقسى»,- دەدٸ ايزات مولداقاسىموۆا.
