QR Tótenshe jaǵdailar ministrligi elimiz aýmaǵynda bolǵan sý tasqyny jaǵdailaryna qatysty sońǵy derekterdi jariia etti, dep habarlaidy QazAqparat.
Vedomstvo málimetinshe, sý tasqyny kezeńi bastalǵannan beri 5 eldi mekende 80 turǵyn úi men 2 áleýmettik nysan erigen qar sýynyń astynda qaldy. Pavlodar jáne Aqtóbe oblystaryndaǵy 43 úiden sý soryldy.
Saǵat 18:00-degi jaǵdai boiynsha, turǵyn úilerdi sý basýdyń jańa deregi tirkelgen joq. Respýblikalyq mańyzy bar 1 avtojolda sý jaiylý jaǵdaiy boldy.
Sý basqan 37 úi baqylaýǵa alyndy, 19 avtojol ýchaskesinde sý tasqyny bar, onyń ishinde respýblikalyq mańyzy bar – 2, oblystyq - 1, jergilikti – 16. Avtojoldardyń 14 ýchaskesi shaiylyp ketken.
Óńirlerde sý tasqynynan týyndaǵan tótenshe jaǵdaidy tómendetý maqsatynda jergilikti atqarýshy organdar men TJM kúshi 609 myń tekshe metr erigen sýdy sorý jumysyn júrgizdi. Inertti materialdary bar 11 290 qap tóseldi.
Jumystarǵa 670 adam, 300 tehnika, 89 sý aidaý quraldary jáne 5 júzý quraldary jumyldyryldy. Onyń ishinde QR TJM-niń jeke quramynan 264 maman, 66 tehnika, 47 qozǵaltqysh jáne 4 júzý quraly bar.
«Qazgidromet» RMK derekteri boiynsha aldaǵy táýlikterde Aqmola, Aqtóbe, Shyǵys Qazaqstan, Batys Qazaqstan, Soltústik Qazaqstan, Qaraǵandy, Qostanai, Pavlodar oblystary jáne Nur-Sultan qalalarynda jańbyr men qar túrinde azdaǵan jaýyn-shashyn kútiledi. Kúndizgi ýaqytta aýa temperatýrasy +5-ten +20-ǵa deiin, túngi ýaqytta -3-ten + 9-ǵa deiin saqtalady», - dep atap ótedi ministrlikten.
