AQSh-tyń Perris qalasynda (Kaliforniia shtaty) quqyq qorǵaý organdarynyń qyzmetkerleri 2-29 jas aralyǵyndaǵy 13 ul-qyzyn qamap otyrǵan erli-zaiyptyny ustady. Bul týraly Riversaid okrýginiń sherifine silteme jasap TASS habarlaidy.
Jeksenbi kúni politsiiaǵa habarlasqan 17 jastaǵy qyz, ata-anasy ózimen qosa taǵy 12 baýyryn kúshtep úide ustap otyrǵanyn aitady. Qyzdyń sózine qaraǵanda, olardyń keibiri kisendeýli bolǵan.
57 jastaǵy Devid Allen Terpin men 49 jastaǵy Lýiz Anna Terpin politsiiaǵa nelikten óz balalaryn úi qamaqta ustaǵanyn túsindirip bere almaǵan.
Bilik ókilderiniń málimetterine qaraǵanda, kámeletke tolmaǵan bes «tutqyn» men 18-29 jastar aralyǵyndaǵy jeteý, sondai-aq politsiiaǵa habarlasqan 17 jastaǵy qyz las bólmede ashtyqtan azap shekken. Olar qazir aýrýhanada jatyr.
Terpinderge qatysty tergep-tekserý júrgizilip jatyr. Daýly iske balalar quqyǵyn qorǵaý qyzmetkerleri aralasýda.
